أبيات على السريع علها تروق لكم
ليت للحب قاضي يستمع للشكاوي=وأشتكي واحدٍ(ن)نهب لقلبي وعقلي
مير ما فيه من هو يستمع للدعاوي=عادة الناس بعدي عادة الناس قبلي
الهوى يوم سوى في خفوقي بلاوي=ما لقيت لشريعة تنصف لقلب مثلي
ضعت ما بين رمعات الأمل والهقاوي=من طمع في رجاها تالي الوقت مبلي
إن شكيت الوليف اللي لزينه مهاوي=خائف الزين يزعل والعواذل تعذلي
وإن شكيت الظروف اللي تسم الغناوي=خائف الناس تفرح يوم ما شلت حملي
مير مشكاي فوق اللي يعرف المناوي=قادر بعزته يسرع لقانا ويعلي
الله اللي مدبر كل ما هو سماوي=قادر بعزته قلبي من الهم يخلي
يالله إني بلطفك يا مدبر رجاوي=هات لي من تمنيته بقدرتك عجلي
قلبي اللي تعرفه ماش غيرك يداوي=ما يعيزك تقرب ولف بالقلب مغلي
الله اللي مجيب ويستمع للشكاوي=بشتكي واحدٍ(ن)نهب لقلبي وعقلي
التميز
الإهداءات
ليت للحب قاضي يستمع للشكاوي !!!
رد: ليت للحب قاضي يستمع للشكاوي !!!
