سحر الذوق والجاذبيه !!!

بدون مقدمات اليكم الأبيات

ألا يا بعيد الدار وأقرب من الروح=أنا في نحية وأنت عني نحيه
تذكرتكم مع بارقٍ(ن)يمك يلوح=عليكم من المولى سلام وتحيه
جبرني زماني عنك يا غالي أروح=وأنا مولعٍ(ن)بك دامت الروح حيه
غرامك بقلبي حي ماهو بمذبوح=على العهد ما بين الخوي لخويه
قسم ما نبدل عهد مكتوب باللوح=لو إنه يوردنا لحوض المنيه
عيوني بعدكم ما تبي كل مملوح=ياعذب المشاعر والكفوف النديه
زرعتك بقلبي حب للسر والبوح=مع الدم تجري بالعروق النقيه
فؤادي غدى لك ملك طيب ومجروح=ملكته بسحر الذوق والجاذبيه
تربع بعرش القلب مسموح مسوح=وسو الذي يعجبك يا زين فيه
لعلك تحن لدم بالنابض ايفوح=تعجل بطبٍ(ن)صار صعبٍ(ن)عليه
هلكني غيابك والبعد زود النوح=مواجيع مكتوبة علينا سويه
ظروف الزمان أنهت ملذات وفروح=مقادير ما تقوى عليها يديه
ألا يا بعيد الدار وأقرب من الروح=أنا في نحية وأنت عني نحيه

تسلم يدك شاعرنا و اخونا بن هليل

مبدع بكل حالاتك

صح لساانك يا رائع ربي يسعك

الله الله صح لسانك يا استاذ الشعر ربي يعطيك الف عافية

صح السااانك يابن هليل ويعطيك العااااافيه

احتراااااااااامي

صح لسانك مليون ولا يسدون



رائعة من روائعك

صح نبضك ولسانك رووووعة تسلم شاعرنا

تسلم الايادي ايها الشاعر المبدع

صح لسانك وسلم بنانك واعتلا بيانك

صح لسانك يا الشاعر الراقي ربي يسعدك