طابت أوقاتكم
اليكم الأبيات بدون مقدمات
يا أبعد من المريخ وأقرب من الرمش=ما ردني عن عشق روحك بعايد
طيفك ليا من مرني صابني دهش=انخاه مدري شوق وإلا وجايد
تكفى تبلغ صاحبي قبل يرمش=إني طريحٍ(ن)فوق حدب السنايد
الضغط عالي والجسم صايبه رعش=واحس في جوفي طعون ولهايد
أثر الهوى من طاح به لزم يبلش=ومن لا قوي للصبر جاب النقايد
البيض بعدك ما تساوي ولا قرش=فدتك روحي يا سليل المجايد
نقشت حبك بالوفا داخلي نقش=ونظمت لك من نبض قلبي قصايد
أخصلت لك بالحب صادق بلا غش=ماني بطالب من غرامك فوايد
هواك داخل خافقي بالرضا خش=سيطر على فكري سواة العوايد
الشوق ينهش خافقي ياغلا نهش=ما عدت بقوى للصبر والمحايد
بعد الصلابة صرت لك لين وهش=سلمت لك أمري بليا شدايد
أمشي على أمرك وين ما قلت لي إمش=مشيت لو وسط اللهب والوقايد
صرت الملك ل الروح وقليبي العرش=فرشه حلومي والمشاعر وسايد
إرقى عليه وهشني بالهوى هش=من شأن أصيد من القصائد فرايد
بنظم قصيدي فيك وبعطرك أرش=حلو القوافي فوق صدرك قلايد
يا ساحري دام السحر داخلي دش=ماني بطايب منك ياسحر كايد
بقعد مريضك لين يحملني النعش=وأصير من ضمن الفنا والفقايد
بمشي وأمشي وأنت ما تقدره مش=بالقرب وإلا كنت بالبعد نايد
يا أبعد من المريخ وأقرب من الرمش=ما ردني عن عشق روحك بعايد
التميز
الإهداءات
أبعد من المريخ وأقرب من الرمش !!!
رد: أبعد من المريخ وأقرب من الرمش !!!
