مغرورة الوقت هذا اليوم يوم الجفا
لا تحسبينك عليٌَه بالكذب تلعبين
ماهو حصل من تناوش بيننا قد كفى
باب الشقا بقفله لا يشقي الطيبين
وهبتك الطيب وأنتِ(ي)بس بذة خفى
متغطرسة تحسبينك فوقي بتركبين
ما تعرفين الوفاء يا جاحدة للوفا
لو تعرفينه عطيتك كل ما تطلبين
لكن طبعك حرمك من الوفا والصفا
هذا جزاتك كمنك من طغى تكذبين
مسحتك من الخفوق اللي بجوفه دفا
وطيحتك من العيون اللي لها تتعبين
عودي لحجمك صغيرة بالمكان القفى
عودي وكوني بحجمك عبرة الذاهبين
ما أنتِ(ي)بجنة حياة ولا لقلبي شفا
يا مشقية للفؤاد ومغوية تايبين
خيبتي الظن فيك وعن رجومه هفى
ما باقي إلا رسومك عبرةٍ(ن)لآيبين
مغرورة الوقت هذا اليوم يوم الجفا
لا تحسبينك عليٌَه بالكذب تلعبين
☪ⒿⒶⒷⒺⓇ
التميز
الإهداءات
مغرورة الوقت !!!
رد: مغرورة الوقت !!!
