من الأرشيف
البارحة قالت بغيت استشيرك=قلت أمري يا بعد روحي والاحباب
قالت حبيبي كثر الله بخيرك=انا تقدم لي من الناس خطاب
ابيك تنصحني ولا فيه غيرك=اللي اثق به من بعيدين واقراب
قلت آه عذبتي بهرجك شويرك=شليتي التفكير واتعبتي اعصاب
قلت آه ثاني قالت الله يجيرك=وش بك تأوه قلت يابنت منصاب
جرحتي احساسي وقلبي أسيرك=غديت مثل اللي لدغ ساقه الداب
يا بنت طيفك في عيوني سفيرك=عنده حصانة بين نوني والأهداب
والله ما ارضى غير ذاتي عشيرك=وإن قلت لك خذي من الناس كذاب
أنا مصيري رابطه في مصيرك=من سالف الأزمان والطيف ما غاب
أحلم بشوفك وأتمنى حريرك=يلتف من حولي معطرته أطياب
كنت أحلم إني في حياتك خشيرك=ولا تحرجين القلب عن شرح الأسباب
دام القدر غير بحكمه مسيرك=تبقين وسط القلب والود غلاًب
وإن كان عشش في مناحيه طيرك=تجيني الأحلام من يمك أسراب
من عقب قلبي ما رميته ببيرك=ما عاد لي في باقي الناس طلاب
كثير غيرك ما يعادل كثيرك=يا مالكة كلي من الباب للباب
ما فيه بالدنيا بعيني نظيرك=يا قاهرة كل المحبين وأصحاب
البارحة قلتي بغيت استشيرك=قلت أمري يا بعد روحي والاحباب
التميز
الإهداءات
جرحتي احساسي !!!
رد: جرحتي احساسي !!!
