يا صاحبي من بعدك الرأس شابي=الفكر تايه والجسم قام ينحف
ليت الزمان اللي بدربه غدى بي=وقف بساعة عانق الكف للكف
لكن زماني بالعنا ما درى بي=ما همه إلا يطوي العمر ويلــف
طوى بسرعة في مداره شبابي=قدام روحي ترتوي من هوى الترف
اللي حكمني بالغلا والتصابي=ماله منافس بالمشاعر ولا الوصف
طيفه ليا من زار فكري سرا بي=وأحلام ليلي فوق ذكراه تلتف
أشكي عليه اللي جرى لي وما بي=وأضحك معه والعين بالدمع تذرف
لا من ذكرت لبعد سبب عذابي=تسابقت عبرات عيني بلا لطف
وليا ذكرت لزين غض الشبابي=ضحكت ضحكة واحدٍ(ن)ماشكى ولف
ليته قريب مثل قرب الثيابي=ما كان يا حالي تشكويت من ضعف
ودي بقربه مير حظي رمى بي=رمية مقفي حاذفٍ(ن)رمح للخلف
يا شين حظي مثل لون الغرابي=أحرم عيوني شوفة اللي له الشف
أقرب من النبضة ومثل السحابي=الماطر اللي مرنا من سنة جف
ماعاد له شوفة ولو بالسنابي=حتى الرسائل قامت تشح بالحرف
تباعدت أقدامنا يا خرابي=ما باقي إلا ونةٍ(ن)عيت اتخف
خلف الضلوع اللي تعاني صوابي=بالخافق اللي يرتجف بالهوى رجف
ما عاد يهناني طعام وشرابي=الشوق عقب بالحشا داخلي نزف
يا صاحبي من بعدك الرأس شابي=الفكر تايه والجسم قام ينحف
التميز
الإهداءات
ماعاد له شوفة ولو بالسنابي !!!
رد: ماعاد له شوفة ولو بالسنابي !!!
