أرسل لها فقال:
إشتقت لك شوق الصحري للأمطار=شوق الرضيع يدور لريحة أمه
شوق الغصاني للنسائم والأزهار=شوق الحبيب لصدر خل يضمه
شوق العيون العمي تشاهد أنوار=وأكثر شوي الشوق مقدر المه
أحسني أحيان والع كما النار=أثر الهوى والشوق للقلب سمه
قل الصبر وأخاف من نقص الأعمار=ياحسرتي لو مت من غير رحمه
اليا ذكرتك صابني يشبه الزار=أحيان أفك العقل وأحيان أخمه
فردت له قالت:
جيتك أنا والقلب لعينيك خطار=كل(ن)على الثاني بيشكي لهمه
لبيه يا قلب(ن)من الحب محتار=اليا دعاني جيت بالحال يمه
أسهر وتسهر والهوى حيل جبار=نخفي الغلا عن كل رجل وحرمه
أنته وأنا والليل يا شوق سمار=تنور علي الليل لو كان ظلمه
أنسى حياتي معك لا وقت الأسحار=كل ما تقافت نسمة جات نسمه
التميز
الإهداءات
قال: فردت بما هو أجمل !!!
