من فيض القريحة

هذه قصيدة على وزنين متقاربين =
أبتدي عذب اللحون من المشاعر والقريحه = من هواجيس بها نار القضى تشتبي
في بيوت بنيها قايم على قومه وطيحه = أول الميقاف بيحه وآخره فيه أبي
الشريحه تحترق والرقم في وسط الشريحه = وأنت رقمك خازنه لك في شريحة قلبي
لك وداعة وسط قلبي سر خافي مايبيحه = بس ياراع العيون السود لاتلعبي
كيف اسوي بعد نزع الرقم بيديك الجريحه = نزع عرق السدره الخضراء بريح هبي
واصبحت بعد الروى مع باقي الاشجار شيحه = شيحة فيها اليباس وراسها منكبي
كم نصحتك من نصايح وأنت ماتبقى النصيحه =ياعديم الرأي حسنك لا نصحت تلبي
أنت مغرور وتايه بالعبارات الصريحه = لايفيدك لاعلاج ولا يفيدك طبي
الله أكبر كنت أسولف بالسواليف المليحه = عنك يوم انك بوسط قلوبنا متربي
بالبيوت اللي عجيبة واللسان اللي فصيحه = أول الابيات مدح وتاليتها سبي
الحياء والدين يمنع عنك من نشر الفضيحه = تركها أولى والسبب خوفا من الله ربي
والختام اقطع علاقتنا كما راس الذبيحه = ذبها الذباح بالموس الحديده ذبي

هنا نص جميل بما يحمل من شعر لا يشق له غبار

شاعريه فذه نجدها هنا




كلمات صادقة من فيض قريحتك ومعبرة لامست الوجدان والعواطف



الشاعر الشاكر

صح لسانك مدد بلا عدد

دمت ودام حرفك وابداع قلمك

صح لسانك وبيض الله وجهك


أبدعت في المزاوجة بين الشطرين


الله يعطيك العافية



بنتظار الجديد


تقبل تحيتي

صح الله لسااانك



شاعرية واضحة ,,


ابداع في الصور ,, والالفاظ ,,


لو اني اعتقد من وجهة نظري المتواضعه ان اختلاف الوزن بين الشطرين افقد القصيدة اهم ركائزها وجمالياتها ,, مع ثقتي التامة بأنك تكتب اجمل منها بكثير بوزن واحد ,,




الف شكر لك ,, ولابداعك ,,





لاتحرمنا من جديدك ,,




تقبل تحيااااااااااتي

صح لسانك ورفـــــع شـــابك


قصيده جزله من شاعر جزل



بيض الله وجهك


تقبل تحيـــــــــــــــاتي

أبو سامي صحّ لسانك أخوي
على هذا الإبداع الرائع
تقبل تواضع مروري

صح السانك قصيدة جميلة مميزة جزله من رجل جزل ننتظر جديدك

تقبل تحيااااااااااااااااااتي

صقر عتيبة

الاخوة الأكارم /

ساحر القلوب

ابن هليل

مبدع القاف

ابو عبد الرحمن

ابو ناصر

صقر عتيبة

لكم شكري وتقديري على مروركم وثناؤكم الذي عطر متصفحي

لاعدمناكم .

ابو سامي بيض الله وجهك بياض كل يشوفه اشهد شهادة حق انها جزله من رجل جزل تقبل تحياتي بكل ود واحترام