الهوى كله دجل !!!!

إسمحوا لي بقاف(ن)في عجل=غازي الشوق فيني حركه
غائر(ن)بالصدر ماهو مجل=شكشك الروح مني شكشكة
بتغنى هجيني مع زجل=وأزرع الحب فيها وأسلكه
بزرع الورد ما بزرع فجل=عطرها دم قلبي بسفكه
لأجلكم صدقوني إيه أجل=الهوى ذا فؤادي شربكه
كنت أظن الهوى كله دجل=لين قلبي تلوى بشركه
بعد جربت لوعات الوجل=لو بغيت أتركه ما يتركه
يوم قالت:أحبك في خجل=صار فيني جنون ودربكه
داعج عيونها دعجة حجل=شكت القلب شك المشبكه
فكري اللي تولع بالنجل=غاص في بحرها مثل سمكه
عشق ولهان لكني رجل=أحبكه بالحنايا وأسبكه
حافظه بالحشا داخل سجل=محد يلمسه والا يفركه
برسله للغلا على عجل=وأنتظر رد شافي ببركه

الله عليك


تشرفت بأن أكون أول من يرد على هذه الدرة الغريبة


سلم فكرك


وصح لسانك لين ترضى


تقبل خالص الاحترام

اخي بن هليل هنيئا لمن توسد وجدانك

سلم ذاك القلم وهذا القلب النابض شوقاً

تقبل باقة من زهور إعجابي بكل حرب نبض هنا بين أيدينا

اقتباس : المشاركة الأصلية كتبت بواسطة عساف الأصائل [ مشاهدة المشاركة ]

الله عليك تشرفت بأن أكون أول من يرد على هذه الدرة الغريبة سلم فكرك وصح لسانك لين ترضى تقبل خالص الاحترام

صح بدنك لا هنت


ما غريب الا الشيطان


سعدت بردك


لك تحيتي

اقتباس : المشاركة الأصلية كتبت بواسطة عبير الشوق [ مشاهدة المشاركة ]

اخي بن هليل هنيئا لمن توسد وجدانك سلم ذاك القلم وهذا القلب النابض شوقاً تقبل باقة من زهور إعجابي بكل حرب نبض هنا بين أيدينا

الف شكر لك


زينتي الابيات بهذا الرد العذب


وعطرتيها بمرورك الكريم


لا عدمت حضورك


لك خالص تحيتي

عشـــق ولهـان لكنـي رجـــل **أحبكـه بالحنايـا وأسبكـه

حافظه بالحشا داخل سجـل **محـد يلمسـه والا يفركـه

برسلــه للغـــلا علـى عجـــل **وأنتظـر رد شافـي ببركـه


بن هليل

صح لسانك وبيض الله وجهك

ابيات في روعة الجمال لبسة

الحلل بروعة كاتبها وجمال

صياغة حرفها ...سلمت

يمينك ودمت لنا نهر لاينضب

من العطاء ...لك تحيتي

وتقديـــــــــــــــــــري

بعد جربت لوعـات الوجـل
لو بغيت أتركه مـا يتركـه
يوم قالت:أحبك فـي خجـل
صار فيني جنـون ودربكـه
داعج عيونها دعجـة حجـل
شكت القلب شـك المشبكـه
فكري اللـي تولـع بالنجـل
غاص في بحرها مثل سمكه
عشق ولهـان لكنـي رجـل
أحبكـه بالحنايـا وأسبكـه






صح لسانك .. مليااااااااار .. وماهن كثاااااااار ..

ابدعت .. وادهشت ..


قاف صعب .. على غيرك .. لكنك طوّعته ..

كفو والله ..


ودائما من وجهة نظري .. القصائد اللتي تأتي على عجل .. وعلى السليقة ..

وبدون تصنع .. وبدون تكلف .. وبدون تنقيح مطوّل ..

تصل الى القلب .. اسرع .. وتكون كلماتها .. أبلغ ..


هنيئا لذلك المحبوب .. بما سطرت له ..

وخذها مني .. كلماتك واصله .. وبالصميم ..


تحياتي لك




تقبل تواضع مروري



مبدع القاف

صحّ لسانك أخوي بن هليل
مبدع كعادتك
تقبل مني أرق التحايا

صح لسانك يا مبدع الكلمة



رائع فيما دونت


جميل ما سطرت


تقبل خالص الود