قصيدة منسية
ياصادق ٍ(ن)بالود يوم الطيش
سـيطرت فوق القلب وأفكاري
أيـام كـان الـشوق دوبـه نـيش
يــامـا قـضـيـنا لــيـل ســمـاري
كان الهوى بالروح كهرب فيش
مع كل عرق ٍ(ن)بالجسد ساري
تـالي زمـاني ما صفا لي عيش
حـيـرتني وأحـزنـت لأشـعـاري
الـوضـع مـتغير ولا أدري لـيش
مـن شـغل والا مـن جفا طاري
واكـبر مـصيبة كان به تطنيش
والا لـعـب لــك بـالـهوى غـاري
لـعبت لـي لـعب الـهوا بـالريش
لـيـن إمـتـلك الـقلب وأسـراري
هـاثم سقت الهجر يمي جيش
مــاكـنـك الــلـي فــاهـم وداري
بـشويش فوقي ياغلا بشويش
لا تـسـكب لـزيـتك عـلـى نـاري
لا تـقفل مـواصلك قفلة شيش
تـقـتـل بـقـايـا عــزف بـأوتـاري
قـد أيش بصبر للهجر قد أيش
يـامـشغل ٍ(ن)بـالي ولـي قـاري
فـي داخـلي لهفة على مافيش
حـلم ٍ(ن)يـجي ويروح طياري
غديت لأطيافك كما الدرويش
والـلي كـتب فوق البشر جاري
ياصادق ٍ(ن)بالود يوم الطيش
سـيطرت فوق القلب وأفكاري
ⒿⒶⒷⒺⓇ
التميز
الإهداءات
بـشويش فوقي ياغلا بشويش
رد: بـشويش فوقي ياغلا بشويش
