بسم الله الرحمن الرحيم
السلام عليكم ورحمة الله وبركاته
القل ما عاب الرجـال المماديـح
ولا فيه نفسٍ يا سعـد مستريحـه
الدين غلاب الرجـال الطحاطيـح
والوقت يطلب والموارد شحيحـه
كله على شان الوجيـه المفاليـح
من خوف لا نلبس ثياب الفضيحه
ها ما تنا مثل الطـوال الملاويـح
ولاخيـر فالمترديـه والنطيحـه
يالأدمي لو ترفع الصوت وتصيح
ما تنفعك لو صحت تسعين صيحه
المرجله ياللي تبـا هبـة الريـح
من دونها وقفه وقومـه وطيحـه
مداتها مثـل المـزون المراويـح
تشفي كبودٍ من زمنهـا جريحـه
يتعب لها رجلٍ من الناس زحزيح
ساق القدم بسهال سبـل ٍ فسيحـه
واللي يقول الفرض مثل التراويح
مثل الجهاز اللـي بليـا شريحـه
والله جعل لأبواب رزقـه مفاتيـح
امـا شقـى والا حيـاةٍ مريحـه
وســــــــــــــــلامـــــتكم
التميز
الإهداءات
المرجلة ياللي تبى هبت الريح
