قرأت بيت شعر لشاعرة
هيض القريحة فقلت :
قالت :
ادري ولــو ابـطـيت بـلـقاك يـاصاح
انــتـه دوى لـلـنفس وانـتـه هـواهـا
قلت:
أهــلا هـلا يـابارق ٍ(ن)بـالسحر لاح
كـم لـيلة ٍ(ن)يـابرق نـوضك سراها
تـبطي ونـبطي والـبطا بـعده أفراح
كـــل عـلــة يـابــرق عـنـدك دواهــا
كم ليلة ٍ(ن)دمي على شوفتك فاح
مـــن زود لـهـفـه لـلـعيون وحـلاهـا
يـاسكرة عـشق الـقصائد والأمـداح
يـامـلهمة مـعـنى الـلـحون وغـنـاها
لـو كـان في قلبي طواعين وجراح
لا شـافـتك عـيـني فــؤادي نـسـاها
يـاراس مـال الـعشق جـيتكم أرباح
كـل الـخساير وصـل عـيدك مـحاها
نـسـي فــؤادي كــم لـيـلة قـهر نـاح
عـلـى مـشاعر طـول هـجرك كـواها
كـنت أحسب إن الهم ما عاد ينزاح
مــن داخـل عـروقٍ(ن)بعادك بـلاها
ايـامـنـا راحـــت مــثـل مـقفـي راح
مـــا عــاد تـرجـع لــو هـوانـا يـبـاها
الـلي بـراس العشق ياصاحبي طاح
الله يـــعــوض لــلـقـلـوب بــغـلاهـا
ولـى زمـان الشوق مسرى ومسراح
مـــا بــاقـي الا ذكــريـات وصـداهـا
أيــام كـنت بـعيد كـل الأمـل صـاح
مـن خـوف مـظلمة الـسنين وعناها
وأنــا أشـهـد إن الـود والـبعد ذبـاح
لا حــل بـقـلوب ٍ(ن)رهـيـفه نـهـاها
فـي كـفي الأيمن من الحب مسباح
وفـي كـفي الـثاني شـموع وضياها
يـانور صـبح ٍ(ن)لاح قدام الأصباح
كـم ظـلمة ٍ(ن)يا صبح نورك جلاها
ⒿⒶⒷⒺⓇ
التميز
الإهداءات
سكرة عشق القصائد والأمداح
رد: سكرة عشق القصائد والأمداح
