مرت ســـنة !!!

أسعد الله أوقاتكم بكل خير

من نزف الخيال اليكم الأبيات

تكفين في صدر الحنان ادفنيني=ترى هواك مولعٍ(ن)في وقاد
نارٍ(ن)تشب أحسها يا ضنيني=أنا حطبها والحلم قدح الأزناد
يا غالية متى تجي تحضنيني=قدام نار الشوق تغديني رماد
مرت سنة كانك بعد تذكريني=على لقانا يا بعد كل من جاد
ما كنها الا أمس يا نور عيني=ليت الزمان يعود من شأن تنعاد
لحظات كفك عانقنه يديني=ومن الفرح هليت لهف بتنهاد
ما كان يفصل بيننا يا خديني=الا الهدوم اللي تغطي للأجساد
دارت بنا الأيام والله يعيني=اليوم أنا في دار والشوق ببلاد
حال القدر والحظ بينك وبيني=العمر ينقص والهوى قام يزداد
أقضي نهاري بالمنى والحنيني=والليل مع طيفك تناهيد وسهاد
شمت بي الحساد والعاذليني=وأبكيت خلاني جماعات وأفرد
مل الصبر مني وطالت سنيني=متى نتلاقى لو من غير ميعاد
تبري جروحٍ(ن)غايره وإجرحيني=جرحٍ(ن)جديد ما تداويه الأضماد
لمي شتاتي وإرجعي بعثريني=دامي الك مفتون والقلب منقاد
تكفين في صدر الحنان ادفنيني=ترى هواك مولعٍ(ن)في وقاد

مصافحه ملكيه لهذه الدره

صح لسااااااااااااااانك

قصيده ذات طابع رقيق المشاعر

مبدع كما عهدناك

الله يعطيك العافية

تقبل أرق التحايا و أعذبها

الله الله صح الله السااانك
لاهنت على الابيااات الجزله
والاكثر من روووعه
بنتظااار كل جديد منك

اقتباس : المشاركة الأصلية كتبت بواسطة الــذيــب [ مشاهدة المشاركة ]

مصافحه ملكيه لهذه الدره صح لسااااااااااااااانك قصيده ذات طابع رقيق المشاعر مبدع كما عهدناك الله يعطيك العافية تقبل أرق التحايا و أعذبها

صح بدنك ولا هنت


لك خالص تحيتي

اقتباس : المشاركة الأصلية كتبت بواسطة حورية البحر [ مشاهدة المشاركة ]

الله الله صح الله السااانك لاهنت على الابيااات الجزله والاكثر من روووعه بنتظااار كل جديد منك

صح بدنك ولا هنتي


شكرا للرد الرقيق


لك خالص تحيتي

الله الله



ابداع صح لسانك ملياااااااار


تقبل التحية

مأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..

صح لسانك على هالرائعه

دمت بخير ..

الله عليك


ليس بمستغرب الابداع من اهله


تقبل مروري والتحية

شاعرنا المبدع روعة ما خط قلمك ربي ما يحرمنا من ابداعات ويعطيك الف عافية

صح لسانك يا مبدع القوافي




رائعة بكل ما تعنيه الكلمة