أبيات لعلها تروق لكم
صبحتهم بالخير مع سرحة الطير=
لكنهم صدوا ولا صبحوني=
ياليتهم ردوا على الخير بالخير=
لكنهم في صمتهم تعبوني=
مدري زعل وإلا حدتهم محاذير=
أقفوا وأنا تطلب رضاهم عيوني=
لو ريحوا قلبي بكذبة معاذير=
صدقتهم لو إنهم ما يبوني=
مير البلا راحوا وفيني سواعير=
تأكل هشيم الجوف والله بعوني=
أفكار تأردني ورود ومصادير=
بين الرجاء واليأس هذي لحوني=
كن المشاعر بالحنايا مناشير=
تنحت من ضلوع المودة غبوني=
من عقب قلت باليدين التدابير=
هان الذي ما كان عندي يهوني=
بعد إختلالك يا جميع المعايير=
سيان عندي صحوتي مع جنوني=
خلاص بنهي للعنا والمشاوير=
ماعادني متبع ديون بديوني=
سر الزمن برميه في قاعة البير=
واللي وراي من الصبر حال دوني=
بقفي مثل منهو مقفي عن الغير=
واللي كتب للعبد لازم يكوني=
ماني ممسي خير مع رجعة الطير=
أدري مساهم مثل ما صبحوني=
التميز
الإهداءات
صدقتهم لو إنهم ما يبوني !!!
رد: صدقتهم لو إنهم ما يبوني !!!
