لون الشفايف شبيه لزهرة القبله

لون الشفايف شبيه لزهرة القبله



غنيت عذب القصيد وصار يطربله = وقامت تردد مواويلي مع الحاني


ياعازف الناي والا ضارب الطبله = هذا حبيبي مثل ورده ببستاني


الذوق راقي ويلبس مايناسبله = ياغصن عود(ن) تمايل بين الاغصاني


ولون الشفايف شبيه لزهرة القبله = والعنق عنق المها والحسن رباني


الناس من زينها بتصير منهبله = وانا نويت اشتكي لحقوق الانساني


مالوم عنتر بعد ماجن في عبله = لان الهوى يشعل الخفاق نيراني


ياعازف الناي والا ضارب الطبله = هذا حبيبي مثل ورده ببستاني

ولون الشفايف شبيه لزهرة القبله = والعنق عنق المها والحسن رباني

رائع ..
جميلة هي متابعتك الذكية شاعرنا لما يُطرح في المنتدى وتوظيفها في شِعرك


القصيدة بمجملها راقت لي وتستحق التقييم
طبت وقلمك الافندري

تقديري

صح لسانك يا عبدالرحمن


تقبل مروري

الله الله

صح لسانك يا شاعر بني مسعود

ولك مني هالمداعبة على الماشي

غن لقصيدك وصفق له وطبطب له=واحسب حساب الكلام وزلة لساني
الناس ماهي بعميانه ولا خبله=لا تندفع للقصيد بفكر عمياني
ما كل زهرة تسمى بالثمر حبله=ولا كل لون الورود ورود يا فلاني
لا تظمن الا لكف تلبسه دبله=لا تقضب كفوف خلق الله من داني
ما كل من شد حبله مد لك حبله=ومن لا توقع بقوله قيل غلطاني
ياقانص الصيد لا تغتالك الشبله=ترى الجداره لهن سموع وأذاني
لا تنخدع يوم شفت لزهرة القبله=إن كان ودك بها عود مريكاني
وإلا تركد وصل الخمس للقبله=تعوذ بليس يا هذا العريباني

سوف أطرحها مستقلة بالقسم

الله الله


صحت السنكم شعار مبدعين ما فيكم حيلة

صحت السنكم جميعا

ابداع من المسعودي

لكن صاده ساهر

ابن هليل خطير رادار ما شاء الله عليك ما تفوت عليك دبة النملة

يعطيكم العافية

صحت السنكم شعار مبدعين .......

اذهللني بصراحة جمال الابيات شاعرنا

و عجبني بعد مداعبة شاعرنا ابن هليل

صح لسانك ياعبدالرحمن وصح لسانك يابن هليل



ابداع منقطع النظير

صح منطوقك يا الشاعر عبدالرحمن قصيدة عذبة