أسعدكم الله دنيا وأخرة
اليكم تخاريف ليلي البارح علها تروق لكم
ألا يا ونةٍ(ن)ونيتها وقت العباد رقود=بليلٍ(ن)ما معي إلا سكون الليل وهجوسي
تذكرت الزمان اللي مضى والصاحب المفقود=وحسيت الوجع بالصدر يشلع كنه الموسي
أون بخلوتي وأدرى جروحي خشية المنقود=مخافة لا يعرفون العواذل سر مدسوسي
يسامرني قصيدي والقوافي شاهد ومشهود=تسامرني وأسامرها تعرف بخافي حسوسي
ليا منه سرى بي هاجسي مابين نقص وزود=على صهوة جواد الشعر قام يدوسها دوسي
يزورني بدون شعور موطن غايتي ويعود=يجيب إحساسها ويودي إحساسي بغطلوسي
أشاهدها بغير عيون واصلها بدون قيود=وأعود والكبود من العطش تعبانه يبوسي
عشيري ياغناتي من بعدك أحس لي بلهود=ثمان أيام عيني ما غشاها نوم ونعوسي
يصيح الشوق في صدري وعزمك للجفا معقود=وصيحت القوافي من صياحي وأخر دروسي
غرامك هد حيلي والهوى حبله غدا ممدود=بعد كل الرزانة صار عقلي منك ملحوسي
أنادي لك بدون شعور أحسب إنك هنا موجود=بداخل معتقل حبك رهين الود محبوسي
ألا يا ونةٍ(ن)ونيتها وقت العباد رقود=بليلٍ(ن)ما معي إلا سكون الليل وهجوسي
التميز
الإهداءات
سكون الليل وهجوسي !!!
رد: سكون الليل وهجوسي !!!
