شيبت فيَّه يا بعد حالي !!!

أسعدكم الله

كل مساء أنتم على موعد مع الأبيات

علها تروق لكم

يا صاحبي عساك للجنه=وينك عسى ما بأس يالغالي
شهرين ما رنيت لي رنه=غيبتك عني مشغله بالي
الشوق جا له بالحشا حنه=حنة خلوج بيدها عقالي
أتابع الونات بالونه=شيبت فيَّه يا بعد حالي
يالمزنه اللي بأوسط الكنه=متى سحابك يروي جبالي
تسقي من الساحل ليا القنه=يالمزنه اللي نوها عالي
خيرك سقا غيري بلا منه=وأنا تعصف الريح برمالي
برق ورعد متوالي الدنه=وأربع سنين السيل ما سالي
محموس قلبي حمسة البنه=كني على جمر الغضا الصالي
أقرع كما ما تقرع الشنه=في عاصفك مقفا ومقبالي
أحسنت فيك الحدس والظنه=سلمتك الخافق ولا أبالي
سنيت لك من نابضي سنه=سنة وفا بعهود رجالي
لو الرماح ايجي لها خنه=يبقى غلاك لقلبي موالي
مهما يطول البعد والهنه=عندي عزيز بكل الأحوالي
يا صاحبي عساك للجنه=وينك عسى ما بأس يالغالي

صح نبضك ولسانك شاعر متمكن لله درك


خالص الاحترام

صح لسانك وسلم بنانك ابداع مشهود

صح لسانك للرضا


ابداع متجدد من معين لا ينضب ما شاء الله عليك


تقبل التحية

صح لسانك شاعرنا الراقي ربي ما يحرمنا منك

صح لسانك وسلم ينانك


ابداع غير مستغرب من استاذ الشعر

صح النبض في شرايينك وصح لسانك

صح لسانك يا مبدع القوافي



اقبل التحية الصباحية

صح لسانك واعتلا شانك



وافية

صح لسانك وسلم بنانك

ابداع غير مستغرب من شاعر مثلك

تقبل التحية