بنت السعودية !!!!

الله يسعد أوقاتكم بكل خير

اليكم الأبيات ومنعا للإجراج وضعت مكان الهدف بالبيت الأول نقط

عاد كل واحد يخمن وشبيطع معه

نجديه, شرقيه,هنديه,حربيه,جنوبيه,عصريه .... الخ

تكفون يا عزوتي حماية التالي=انا غدت بي من التلعات ......
جتني بصدفة وانا ما كان في بالي=هليت يا مرحبا بنت السعوديه
يامرحبا مرحبا يالطيب الغالي=ترحيبةٍ(ن)صادقه مليون بالميه
تذيرت كنها ظبي الخلا الخالي=ياليتها يا عزاة الجنب بيديه
ياعزوتي شيخكم يا لال يا لالي=ظهر لشمس الهوى من داجي الفيه
رميت من شأنها بشماغ وعقالي=ما كني إلا لمسني مس جنيه
مجنون صاحي لا والله فيني هبالي=أتبع هواها وأعاف الزاد والميه
قلبي تعلق بها يا عزي لحالي=يلعب هواها بقلبي روحة وجيه
مثل القمر مكتمل والحاجب هلالي=وعيونها ناعسة وخدود ورديه
وشفاه حمرٍ(ن)كما جمر الغضا الصالي=مدري عن الاسم والأوصاف هندية
ما مثلها بالبشر وإلا يورى لي=أوصافها مشبه لأوصاف حوريه
مرت تمخطر وانا للبيض ميالي=الشوفة اللي على قول العرب هيه
حسيت بأسبابها فالقلب زلزالي=كني مركب على ضلع الصدر كيه
ياليتها من هلي وإلا من أخوالي=وإلا من أطراف ربعي لو هي شويه
ما كان هذا الوجع بالقلب يجرى لي=لكنها مبعدة ماهي حواليه
تبعتها بالنظر والشوق يبرى لي=النفس تأمر وأنا أعصى روح مبليه
من حبها اللي سكن بالروح ما زالي=جاله على الشعر والقيفان أماريه
ياليتها تشترى وأدفع لها المالي=لكن من دونها الإحبال ملويه
الحبل معقود ما تنحل الإحبالي=واللي سواها ما أبيه النفس محميه
لكن يالله يا معبود يا والي=تلطف بحالي و تمحي عني السيه
تكفون يا عزوتي حماية التالي=انا غدت بي من التلعات ......

يسعد صباحك وصح لسانك روووعة تسلم الايادي

صح السااانك يابن هليل ويعطيك العااااافيه

تحيااااااااااااااتي

صح لسانك دائما مميز



تقبل التحية

صح لسانك قصيدة شامخة لله درك



موفق

صح لسانك وبيض الله وجهك قصيدة رائعة راقت الي

رائع يا استاذ الشعر ابداع يتجدد الله يطول بعمرك

صح لسانك مليون ةلا يكفون ابداع غير مستغرب


لله درك من شاعر متمكن

صح لسانك وسلم بنانك اكثر من رائعة

تسلم الايادي وصح لسانك شاعرنا الراقي