أسعدكم الله جميعا بكل خير
عسى كل أيامكم ربيع
عسى السحاب اللي به الرعد هادر=هدير فحلٍ(ن)محرقه قاسي القيد
أخيل نوض البرق بالليل سامر=شابك سناه من السحايب ليا البيد
خيل على الطائف ومزنه محادر=للديرة اللي رابية عاند الصيد
يالله بغيثٍ(ن)ماطرٍ(ن)عقب ماطر=يسقي وطن ممشوقة العود والجيد
الفاتن اللي مبهرة كل ناظر=لا من تثنى غصنها يقهر الغيد
في وصفها يحتار من كان شاعر=مهما كتب بأوصافها بعده بعيد
مثل البدر والطرف فاتن وساحر=سهم القلوب مركعٍ(ن)للصناديد
الخد مثل البرق في نو ساهر=ما بينه لعيون ناسٍ(ن)مقاريد
غروٍ(ن)خلقه الله مبهر وباهر=فيه الجمال وفيه طيب الأجاويد
محشوم عن كل الرديات طاهر=ماشرب من طملٍ(ن)يشين المواريد
شوفته تجلى الهم من ضيق خاطر=لا والله إلا عيد وأجمل من العيد
يالله يامعبود تكرم لجابر=تسقي ديار حبيبه مثل مايريد
يأخذ ثمان أيام ماسي وباكر=سقيا هنا مافي ضرٍ(ن)وتهديد
يعم فوق الدار زرع ومناشر=غيثٍ(ن)هني مافيه للخير تحديد
حيا عمومٍ(ن)للبدو والحواضر=يكفي لحاجات المخاليق ويزيد
التميز
الإهداءات
السحاب اللي به الرعد هادر !!!
رد: السحاب اللي رعوده تهادر !!!
