ابن مسعود لو معه جناح بذمتي ليطير !!!

أسعد الله أوقاتكم بكل خير

و جاء الدور على الشاعر عبدالرحمن المسعودي

اما لحق اللي قبله والا جابها مطبلة

والله يستر

ابن مسعود لو معه جناح بذمتي ليطير=لكن الله بتدبيره خلق له أربعه أعضا
ثنين تحك جنبه والثنين الثانيه للسير=يسير بالبلد محدٍ(ن)يرده طوله وعرضا
ياسبحان الله الخلاق دبر خلقته تدبير=وأشوفه معترض على قدر ربه ولا يرضا
مايدري إن رب الخلق ما يُطلب منه تبرير=وما راده على المخلوق دايم فارضه فرضا
عجائب يا بشر بعض البشر ما يقبل التصوير=تطبع والطبيعة تختلف من بعض للبعضا
أشوفه يشتكي من حال وأحواله تسر الغير=معارض حكم ربه لو بكيفه ينقضه نقضا
اله عدة شهور وكن بن مسعود ريشة طير=يون ويشتكتي ويتابع الصيحات والجضا
يقول الوقت قاسي والقسا بالنفس والتفكير=وهذي حالة الدنيا بعود الصاحب الغضا
يابن مسعود لا تشكي زمانك والزمان منير=تقنع والقناعة طيبة والمملي امفضا
معك موتر وبعض الناس ما يملك طلي وبعير=حياته كلها على الحطب والراك والحمضا
أخذ قرضه من البنك الفرنسي والكبير يشير=ومش الحال كل الناس من قرضٍ(ن)ليا قرضا
ولن وقفت معك إدهن لسير المروحة وتسير=ورزقك عند ربك لين عمرك يافتى يقضا
ترى كثر الشكاوي ماوراها ياصحيبي خير=مشلا تتعبك وتجننك بالهز والنفضا
كتبت اللي كتبته وأنت فاهم تتقن التحرير=نهايتها علوم مزوح بالتوقيع والإمضا

صح السانك يابن هليل ..
ورزقــك فــوق ربــك لـيـن عـمـرك يافـتـى يـقـضـا
والرزق على الله ماهو فوقه

اقتباس : المشاركة الأصلية كتبت بواسطة رباح دبيان البيضاني [ مشاهدة المشاركة ]

صح السانك يابن هليل .. ورزقــك فــوق ربــك لـيـن عـمـرك يافـتـى يـقـضـا والرزق على الله ماهو فوقه

صح بدنك ولا هنت

فوق وعلى بمعنى واحد ولا فرق بينهما


لكن الأصوب منها كلها عند ربك

وتم التعديل للأصح

ورزقــك عند ربــك لـيـن عـمـرك يافـتـى يـقـضـا
شكرا لك

اقتباس : المشاركة الأصلية كتبت بواسطة binhlailبن هليــل [ مشاهدة المشاركة ]

صح بدنك ولا هنت فوق وعلى بمعنى واحد ولا فرق بينهما لكن الأصوب منها كلها عند ربك وتم التعديل للأصح ورزقــك عند ربــك لـيـن عـمـرك يافـتـى يـقـضـا شكرا لك

بارك الله فيك ... ومن رد ماعده شرد

صح لسانك ابن هليل

ولا زلنا بانتظار رد قبيلك

ومتابعين عن كثب بشوق ولهفة التميز والابداع

صخت الالسنة والقلوب

السلام عليكم جميع سهرتني يابن هليل وانا عندي دوام


وهذا ردي بشكل سريع واعذروني اذا فيها قصور


ابن مسعود في حاله ولك حشمه ولك تقدير = يصلي الفرض في وقته وقبل الفرض يتوضا

وانا شاعر واعبر عن شعوري واتقن التعبير = اصور حالتي واشكي والوم الوقت والحضا

وانا ماني من الي يعشق التطبيل والتزمير = تضيق اصدور خلق الله لاجاها الهم منقضا

ولاني معترض لله واعرف ان القدر بيصير = واعرف الموت مافرق مابين اصحاح والمرضا

ولكن من كبت همه بصدر والشهيق ازفير = يجيه الضغط والسكر وعنه الناس تنفضا

مقادير الله تصيب الناس مابين العسر والتيسير = وانا مومن بشرع الله ايمانن كاملن محضا

وانا ماجيتك اشكيلك ابي منك خبز وشعير = وان في خير من ربي واوفر كامل المقضا

زمانك ياوسيع البال يكشر نابه ابتكشير = وتحس ابقرصة اسنونه وعضا من بعد عضا

واكيد انك تبي اتدور صديق ابدون اي تاخير = وتشكي من بلى الدنيا وتنسى القول والوعضا

ابن مسعود في حاله ولك حشمه ولك تقدير = يصلي الفرض في وقته وقبل الفرض يتوضا

عبدالرحمن المسعودي

صح لسانك واعتلا شانك

ما فيك حيلة شاعر مبدع متميز

تقبل مروري وتقديري

بن هليل وعبدالرحمن المسعودي

بيض الله وجيهكم وصحت ابدانكم على

هذه القصيدتين المميزتين

بل معلقتين تاريخيتين سطرت من الحكم

والدرر الثمينه ما يروي ضما المتعطش

على الشعر ...لكم التحيه

صح السنكم على هذا المراد الرائع

صحت الألسن شعارنا

امطرونا شعراً