فز الخفوق !!!

الأبيات بدون مقدمات

الليل يا قافي بسرعة تجهز=وصل سلامي للغضي بالتساهيل
قل له ترى شاعرك في رده اوجز=جئتك بموجز علم ماهي تفاصيل
مرسل معي ردٍ(ن)من الهاجس أنجز=سلام من شاعرك ويقول بالقيل
سلامة اللي قلبها للشعر فز=تقول كنه بالصدر حافر الخيل
سلامة لقلبك من الفز والنغز=وسلامة عيونٍ(ن)هدبها مظاليل
كلامها من قالته هزني هز=بغيت اكسر دلتي والفناجيل
غديت انا سواة ميٍ(ن)على قز=الدم يغلي والمشاعر محاميل
ودي بضم اللي نكز خافقي نكز=ما عاد تكفيني جميع المراسيل
حرق فؤاد مثل ما يحرق الرز=سوى بقلبي للمودة مداهيل
على المحبة والهوى لزني لز=مدري غلا وإلا يحب التعاليل
قمت أتمنى وأبدع القاف وأغز=حلمٍ(ن)حلمته لليال المقابيل
وإن ما تحقق مطلبي عزني عز=ياللي على قلبي تسوق الغرابيل
وإلا تجمل قول حييت وإبتز=قلبٍ(ن)تعلق فيك لا تشكي الويل
هذا قصيدي فارزه بالعقل فرز=واضح وضوح الشمس والبدر بالليل
مرسله للي دمها بخدها نز=والعين مدعوجة بحلو المكاحيل
الصدر مثل طويق زامي ومرتز=والعنق عنق مذيراتٍ(ن)مجافيل
والمعذرة ترى الميانة من العز=لولا الغلا ما كان قلت التماثيل
لكن يا قافي بسرعة تجهز=وصل سلامي للغضي بالتساهيل

صح لسانك ملياااااااااااار

شاعر ما فيك حيلة

مبدع متجدد

صح لسانك مليون ولا يكفون



ابدعت كعادتك

تقبل التحية

صح لساااااااااااااانك

خالص التحاياااااااااا

صح لسااااانك يابن هليل ويعطيك العااااافيه

احتراااااااامي

صح لسانك ولاهنـــــــــــت

صح الله منطوقك احسنت فيما نظمت قصيدة ممتازة

صح لسانك دائما مميز فيما تدون


تقبل التحية

صح لساااااااااااااانك


ابداع معتاد

صح لسانك ملياااااااااااااااار


ابداع لله درك شاعرنا