أسعد الله أوقاتكم
اليكم ما خطر بالبال من أبيات
ليت ليل السهر يكمل بطلة قمرنا=السهر ما يزين الا ليا بان نوره
تحت نوره نشاهد ذكريات لصورنا=الصور والمشاهد كلهن مخبوره
كل لحظة جميلة بالزمان إفتكرنا=وكل زلة بلا مقصود حتم مغفوره
نقضي الليل كله مهتنين بسمرنا=يرتوي من غروري وأرتوي من غروره
الله اللي خلقنا والله اللي فطرنا=كل مخلوق منا عارفٍ(ن)ويش دوره
له مكانه بروحي بصمةٍ(ن)في سيرنا=ثابتة ما تغير بالغياب وحضوره
لا تجلى لعيني بالمسرة شعرنا=تفرح الروح لا حست ببهجة سروره
جوري الورد يسحر يا خلائق نظرنا=لا لمسته بكفي إنتشيت بعطوره
يشعل الشوق فيني والمودة قدرنا=من قديم الليالي بالفؤاد مغموره
للغلا للحلا للولف كل ما ذكرنا=يلهث الحلم خلفه والشعر في بحوره
كل ماهو كتبنا وكل ماهو نشرنا=ما توفيه حقه والحروف معذوره
وكل ماهو فضحنا وكل ماهو سترنا=النثر والقصائد ما تصور شعوره
حيث له بالحنايا منزلة من صغرنا=ما بلغها سواه من البشر ومحفوره
في فؤادي هواها بعد حنا كبرنا=صورته ما تشابه بالنساء أي صوره
المشاعر تزاحم كم بعثنا وقبرنا=في حنايا الضلوع ليوم ماجا نشوره
لأجلها ما ندمنا بالصبر لو صبرنا=المشاعر تمنا كنهن مخموره
نذكره بالمقام ونذكره في سفرنا=تؤام الروح مالك بيت روحي وسوره
ليت ليل السهر يكمل بطلة قمرنا=السهر ما يزين الا ليا بان نوره
التميز
الإهداءات
ليت ليل السهر يكمل بطلة قمرنا !!!
رد: ليت ليل السهر يكمل بطلة قمرنا !!!
