مريم وصايفها من البيض معدوم (المقدم مريم المنصوري)الطيارة الإماراتية !!!

الطيارة الإماراتية المشاركة بعاصفة الحزم

المقدم :مريم المنصوري


قال فيها شاعر يمني قصيدة وصلتني بالواتس اب

وبالبحث وجد شاعر أخر ايضا رد عليه فأحببت أن أرد على الإثنين

ولكل واحد مرئياته ...

قالا فيها...

قصيدة شاعر من أبناء مأرب مغرم بالطيارة الاماراتية مريم المنصوري المشاركة في عاصفة الحزم
يا عبدربه كلم الشيخ مكتوم=عن رغبتي في خطبة البنت مريم
قلبي متيم في هواها ومغروم=وما يطلبه مكتوم من شرطها تم
اما تزوجني على شرع وسلوم=ولا فتقصفني وتدخل جهنم
ماعاد فيها حكم حاكم ومحكوم=هي خصم قلبي والحكم والمحكم
قولو لها في حبها صرت متهوم=حرام تقصف قلب عاشق متيم
عيني تراقبها ولا ذاقت النوم=احلم بها في ظلمة الليل الاظلم
عشقتها عشق المعنى لكلثوم=عشقت بدلتها ورتبت مقدم
ليتيه تطيرني على الجو وتحوم=فيني كما طير الفضا حين حوم
من طايرتها نزلت غاز مسموم=صابت فوادي بالغرام المحتم


ورد عليه الشاعر ناجع التليدي بهذه القصيده
يالماربي بانوب عنهم وباقوم=مقامهم لو كنت صادق ملزم
حنا نمون ونعرف الشيخ مكتوم=لامن تكلمنا بكلمة يتمم
حنا الخليج وصفنا صف محزوم=واللي طلب مريم لزوم يتحزم
مريم وابوها شرطهم شرط معلوم=عندي وانا عن شرطهم با تكلم
تحظر لهم عبد الملك مطلب القوم=رضوه وهو من مهر مريم مقدم
ومن الشرايف عشر للشيخ مكتوم=تصفهم طابور عند المقدم
واحمد علي ياتي مربط ومخزوم=وكل السلاح اللي بيده يسلم
هذا المهر لا تقضي العمر محروم=ولو ما غلاكم ما عطينا المقدم
ان جبتهم فانا بذا الشي ملزوم=فلا تسلم بعدهم اي درهم
حنا نسوي الحفل ونظيف القوم=تقدير لك ياللي بمريم متيم

وهذا ما قلته عله يروق لكم

.....

يا بو يمن إن مت ما أنته بمرحوم=وإن عشت باللي جاك حاذر تعلم
والله ما تقرب لمريم يا مهزوم=على جهنم ياليماني تولم
اما تموت بقنبلة تغدي اقسوم=وإلا تموت من القهر وأنت مغرم
وإلا تموت من الهوى وأنت مسقوم=ما نلت لا مريم ولا مت مكرم
وإن طعتني إسمع جوابي ومحشوم=واللي يحشم للخليجي يحشم
مريم ترى حرة ولا تأخذ البوم=خلك على تخزينتك غن وإحلم
دور يمانية من القوم فالقوم=ما تكلفك بالمهر عشرين درهم
ترتاح معها بالمعيشة وفالنوم=مالك ومال اللي مهرها من الدم
مريم تحلق فوق من دونها غيوم=وأنته على متن الثرا ومتحطم
ودك بمريم حلم من ضمن الاحلوم=ماهي بحولك دونها باب محكم
من دونها يابو يمن الف شغموم=اهل السيوف الحدب والخيل الأدهم
مريم وصايفها من البيض معدوم=بنت الشيوخ اللي تعداهم الذم
شاهينة من فعلها ذلوا اقروم=كم شامخٍ(ن)خلته كومة مهدم
مريم تنفذ علم بالراي محزوم=وإن كان تقدر للمحازم تحـزم
من شأن ما تغدي مع الناس متهوم=جنب عن الحوثي وصالح وتغنم
صل الفروض الخمس بالليل واليوم=وإنصح بني حوثي لمريم تسلم
إنصح علي صالح بعد صار مكلوم=يذعن لمريم غصب لن كان يفهم
وإن كان ما طاعوك فالكل مرجوم=مريم لك الله فلا عاد ترحم
يا بو يمن إن مت ما أنته بمرحوم=وإن عشت باللي جاك حاذر تعلم

صح لسانك قصيدة جزلة ورد قوي



تقبل التحية

صح لسانك ولا هنت



تقبل التحية

صح لسانك تستاهل البطلة نظم القصائد

صحت السنكم كلكم ردك قوي بيض الله وجهك

صح لسانك شاعرنا تستاهل البطلة الله يوفقها

صحت السنكم جميعا ابدعتوا بالقصيد

صح لسانك دائما مميز




تقبل التحية

صحج لسانك ولا هنت


ابداع وجزاة لله درك



رد ممتاز

قصائد حلوة صحت الالسن والقلوب وفقكم الله يا شعار