أقدم لكم هذا الصباح الجميل
هذه الأبيات علها تروق للبعض منكم
أنتظر ردودكم
اللي ما يرد معناه ما أعجبته
عاد يقول لي أعدلها على كيفه
ترى جنوني كلها من جنونك=أتبعك لن سندت وإن كان حدرت
بعد ظنوني سامرتها ظنونك=عذب الكلام اللي نسيته تذكرت
أفرح ليا شفت الفرح في عيونك=وأزعل ليا شفتك بلحظة تكدرت
مفتون في حسنك وذوقك ولونك=لملمتك بقلبي وبالفكر بعثرت
أعشقك في نشوتك وأعشق سكونك=أعشق برودك وأرتمي بنار سعرت
أحلق بعالمك خلفك ودونك=بقضي بقايا العمر أبد ما تغيرت
يرقص قصيدي مع معازف لحونك=تنبت ورود العشق بالقلب لمطرت
خلاص أنا كوني تغشاه كونك=كل الذي أملكه للود سخرت
قلب الوفا في داخلي ما يخونك=حتى ولو إنك بوقتك تكبرت
أسكن فؤادي وأروني من فنونك=هذا خياري وأنت شنهو تخيرت
ذوب شجوني في بقايا شجونك=قل لي بما أعلنت من قبل وأسررت
يا فاتني مقدر على العيش دونك=سيطرت فوق الروح والقلب سيطرت
وإن كان خائف للعرب يحسدونك=ودك تروح ومن مولعك عذرت
جنب عن اللي بالغصب يحكمونك=بعد من أيام التعاسة تحررت
لا ضاع منك اللي يقل لك ياعونك=ما عاد يرجع لو منه تعذرت
دنياك لو غرتك فالله بعونك=يصعب ترد اللي مع الطيش مررت
حتما سياتي يوم تقرع سنونك=ندم على ما فات من عمرك أهدرت
التميز
الإهداءات
جنــوني كلها من جنــونك !!!
رد: جنــوني كلها من جنــونك !!!
