ياذيب ياللي ازعج الناس بعواه = عل العوى مـن جـوع ياذيب ياذيب
الجوع ياذيب الـخـلا دوم تقواه = لكن قـرس الـداب ياذيب تـعـذيب
مـاكـل ماتبغاه يـاذيـب تلقاه = لابـد ماتلقى مـن الغير تـخـريب
مـاكـل بيت يظل لـو طال مبناه = ولاكل من يرمي الهدف دائم ايصيب
ماكل مايـزرع مـن الزرع نجناه = بـعـض المزارع ماتجيب المكاسيب
كـم واحـد(ن) من حزن قلبه نطق آه = سـهـران ليله والمدامـع مساكيب
سهران مـن شيء(ن) فـي باله تمناه = لـكـن دونـه الـسيـوف المحاديب
مانام ليله مسهر القلب واشقاه = يبحث عـن عـلاج الجروح المعاطيب
جـرح الـزمـن ياذيب لاشـك عناه = مـاتـشـفـي جروحه كثر المطاليب
ياذيب لاتـعـوي تـذكـره بعـواه = يمكن يـأتـي وقـت يـاذيب ويطيب
التميز
الإهداءات
ياذيب ياللي ازعج الناس بعواه
رد: ياذيب ياللي ازعج الناس بعواه
