حلم عابر !!!

الليلة ناوي اغرق المنتدى قصيد

يعجب من يعجب ويغضب من يغضب

المهم الجو صافي والمزاج رايق والخيال جامح

اليكم هالأبيات علها تروق لكم

اللي ما راقت له يغمض عيونه ويقفل الصفحة

انتشى قلبي من اللهفة فرح=وكانت الفرحة مجرد حلم عابر
ما دريت إنه تمزق وانجرح=لين قلت اليوم ياعمري بسافر
ضاق صدرٍ(ن)كنت اظنه انشرح=الهواجس عكرت مشروح خاطر
كل ما طيفك على فكري سنح=غطت الدمعة على حمر النواظر
لو خصمي رجل يمديه انذبح=مير خصمي غير فعله فعل ساحر
شلته بقلبٍ(ن)تولع وانفدح=له سنين طوال موجوعٍ(ن)وصابر
اتظاهر بالرزانه والمرح=واتضح إني على ذاتي اكابر
حظي المقرود عذر وانسدح=وش يفيد الحلم دام الحظ عاثر
يا خيالٍ(ن)في فضا حلمي سرح=ضعت مدرى ضاع فيك الشيخ جابر
لا تعكر خاطري بعد انسمح=فلها والقلب بالمضمون خابر
انتشى قلبي من اللهفة فرح=وكانت الفرحة مجرد حلم عابر

واجمل غرق ياشاعر القوافل

اتحفنا ببديع ما يخطه قلمك

صح لسانك وسلم بنانك



دائما تتحفنا بقصائدك

لله درك وصح لسااانك ابداع غير مستغرب

صح لسانك دائما مميز فيما تدون



تقبل التحية

صح منطوقك شاعرنا المبدع ربي يسعدك

الله الله

صح السااااانك يابن هليل ومبدع في كل حالاتك

يعطيك العافيه ولك تقديري واحتراااااااامي

يا سلام على الابداع


صح لسانك مليون ولا يكفون

صح لسانك يا مبدع القوافي


خالص التحية والاحترام

يعطيك الف عافية قصيدة روعة صح لسانك