نزف المساء
أبيات علها تروق لكم
أنا البارحة ليلي ليا الصبح سمادي=
أجر اللحون اللي تزيد الطعون طعون=
جذبت الونين اللي على القلب من غادي=
درى به قصيدي والعرب عنه ما يدرون=
ماغير القصائد تعرف بخافي فؤداي=
وقامت تزاحم وأبدع من اللحون لحون=
طرى لي طواري وأشعلت جمرة سهادي=
وبانت علامات السهر في محيط النون=
عيوني سواة الجمر فالليل وقادي=
وباقي لهيب النار جوف الحشا مدفون=
عيوني سهرها صار في دنيتي عادي=
وأنا أدري طويلك ياسهر تاليتك جنون=
لكن الظروف اللي القاسية حكمها زادي=
من سنين وأنا داخل سجونها مسجون=
وأنا لو بغيت أبيَّح لكل نشادي=
ظلمت الفؤاد اللي كتم سري المكنون=
ياسارق لذيذ النوم من محجر إسعادي=
تراني غديت من السهر كني العرجون=
دخيلك تجمل لا تفرح لحسادي=
تعال ابر علة قلبي اللي لكم مرهون=
أساهر طيوفك يا بعد كل من سادي=
وأمني حلومي بالهنا والأمل ممنون=
ترى ما بقي لي صبر يا طيري الشادي=
ولن طولت غيبتك ضاق الصدر والكون=
سنين العمر تركض ولا شيء به فادي=
مشلا قصيد ٍ(ن)حط فوق الغبون غبون=
أنا البارحة ليلي ليا الصبح سمادي=
أجر اللحون اللي تزيد الطعون طعون=
التميز
الإهداءات
علامات السهر في محيط النون !!!
رد: علامات السهر في محيط النون !!!
