عبر المسافات
أهديكم هذه الأبيات
الحال ما يعجبك يابنت الأجواد=شوفة عيونك صاير(ن)ينرثالي
قل الصبر والضعف يا بنت يزداد=روحي بحالك عاد ما لك ومالي
تعبت ماني حمل لجدال وعناد=من بعد قوة صرت يا بنت بالي
دار الزمن لا عاد لا عاد لا عاد=وأقفيت أنا مع مقفيات الليالي
أغيب مالي بالمخاليق نشاد=محد بغيابي او حضوري يبالي
ما عاد أحس بلذة النوم برقاد=ولا عاد أميز بين مر(ن)وحالي
كرهت حلو الهرج والشرب والزاد=صارت قصار حبالي اللي طوالي
بعد الصلابة صرت بالهون منقاد=وبعد الزعامة صرت ذا لحين تالي
بالكاد لا مني تعزمت بالكاد=أكتب على الأوراق ما هو طرا لي
ولى زماني وإنطفأ قدح الإزناد=رخص بعيني كل ما كان غالي
ما عاد أنا سيد ولا سيد الأسياد=حتى حلالي صار ماهو حلالي
ما عاد تفرق عندي مروس وجداد=صارت بعيني كلهنه بوالي
بعدت أنا وأحلامي اليومه بعاد=ولا هي غريبة من كثر ما جرى لي
ملت وكلت ما مضى كيف ينعاد=راحت وأنا من بعدها للزوالي
هذا جوابي جاك يابنت الأمجاد=من بعد قوة صار يرثا لحالي
التميز
الإهداءات
الحال ما يعجبك ... !!!
رد: الحال ما يعجبك ... !!!
