وجدت قصيدة للشاعر زايد آل زيد المري بصفحته بالفيس بوك
في الأمير سعود الفيصل بمناسبة إنسحابه من قمة تونس احتجاجا على عدم حماية الشعب السوري
يقول زايد:
ياسعود أبن فيصل ياوين الغرابه=إذا أتخذت الموقف الحازم الجاد
أبوك قبلك حطهم في ضبابه=يوم أوقف من الغرب ياسعود الأمـداد
في رعب عيشهم زعيم الذيابه=وحسوا بقيمة أمة ٍ تنطق الضاد
وبينك وبينه ياشبيهه تشـابه=لاهان راس ٍ نظرته كلها أبعاد
ماعاد فيها يأبن فيصل لبابه=نبي قرار ٍ ينقذ أعباد وأبلاد
بشار كنه عايش ٍ وسط غابه=يدمر بلاد ويذبح بجنده أعباد
وخليجنا له يأبن فيصل مهابه=ست الدول فيهاسـلاطين وأسياد
قوم ٍ إلى سلت سيوف الحرابه=قبل النصر ماعاد للساطي أغماد
ومن يتخذنا للمشوش عصابه=له يخضع المبغض وعاصي وحساد
وبديارنا قبر النبي والصحابه=والبيت والدين الحنيفي بها ساد
(( زايدآل زايدالمري ))
مجاراتي المتواضعة علها تروق لكم وتعبر عن موقف سموه الشجاع
يازايد الفيصل ترى رأس لابه=أصله وفصله ضاربة عمق الأمجاد
أمير لكنه ملك بالمهابه=شبل الأسد صحيح للعلم سداد
ما قاله الفيصل ترى بالنيابه=عن خادم البيتين وشيوخ وأجواد
قاله وبعد القول فيه إنتدابه=يشوفها بشار والظلم ينباد
وقت اللزوم يزوم راعي صلابه=وحنا على جنبه جماعات وأفراد
عتادنا جاهز شباب وشيابه=والشام شام العُرب من عهد الأجداد
إن قال هيا كل أبونا حزابه=في ساعتين الحق للشام ينعاد
باللي لها متن السحايب طلابه=ترجع مدرجها قبل قدح الإزناد
يغدي قصر بشار فوقه خرابه=من شدة الضربة يضيع التشهاد
ما ينفعونه مشبهين الدبابه=ولا تنفعه طهران وغواية انجاد
ما يقدمونه ما يساوي ذبابه=أخره للنقصان لو غره وزاد
دام الخليج أعلن عليه الصبابه=بيصير له ماصار في جوف بغداد
أخواننا بالشام دين وقرابه=واللي يصير يفطر قلوب وأكباد
شوف الشعوب من الجرايم مصابه=كل مسلمٍ(ن)يحس بالجوف وقاد
كل القبائل خندفي مع شبابه=مع الملوك اللي لها الحق ينقاد
يازايد الفيصل ترى رأس لابه=أصله وفصله ضاربة عمق الأمجاد
التميز
الإهداءات
سعود الفيصل :مجاراتي لقصيدة الشاعر زايد آل زيد المري
رد: سعود الفيصل :مجاراتي لقصيدة الشاعر زايد آل زيد المري
