أسعد الله أوقاتكم
إنتهينا من معاناة الليال ومن وجعها=وإبتدت صفحة جديدة للمواصل والتواصل
الظروف اللي حدتنا عن بعضنا الله قلعها=بعد شوفة من هويته إنتهي عهد التراسل
يالله إنك لا تغير صفو الأيام ومتعها=بعد زانت لا تفرق بينهن بيوم فاصل
كافي أوجاع القلوب اللي تعبنا من ولعها=كم بكينا وإشتكينا من مواجيع وعواذل
الهوى طيرٍ(ن)بمخلابه مع الهجمة شلعها=والمشاعر ريش لقلوبٍ(ن)عن المخلاب جافل
كل ماهبت هبوب الشوق بادر وإبتلعها=صبري اللي وصل حده والهوى للصبر قاتل
لين ربي فرج الغمة بعد وقتي طبعها=وإنفرج همي وغمي عاد عودٍ(ن)كان ناحل
وصل خلي الحبال اللي تقيدني قطعها=مالها من بعد جية غايتي عاقد وفاتل
إنفتح باب الأمل لأحلام خفاقي صنعها=تدخل لساحة لقانا بنتواصل ونتكامل
إكتفينا من مشاريب الهموم ومن شبعها=بعد جاء وقت الهنا وإنفك حظٍ(ن)كان قافل
إنتهينا من معاناة الليال ومن وجعها=وإبتدت صفحة جديدة للمواصل والتواصل
التميز
الإهداءات
هبوب الشوق !!!
رد: هبوب الشوق !!!
