للرجولة حق ياشبه الرجال !!!

أسعد الله أوقاتكم

بدون مقدمات اليكم الأبيات

للرجولة حق ياشبه الرجال=ماهي بنصبة وعرضٍ(ن)فيه طول
الرجولة ماهي بقيلٍ(ن)وقال=الرجولة قبل الأقوال الفعول
بالرجال زحول تشبه للجبال=وبالرجال همول في داخل همول
وبالرجال خبول تجفل من خيال=راعهم ظل الشجر تحسبه زول
نصبة الشيخان طال العمر طال=والدواخل فاضية مثل الطبول
الحكي واجد ويا قل الفعال=مثل ما قال المثل: نصبة فحول
الرجال أشكال شيبان وعيال=الكثر بالدون والقل الزحول
بعضهم يمناه في مطرح شمال=وبعضهم يسراه تطرح للجفول
بالرجال أشبه بصندوق وقفال=داخله ما ينعرف صعب الوصول
لو حسبته سهل بالواقع محال=تعرف بسده قبل كسر القفول
وبالرجال زحول تشبه للجمال=يحملون أثقل من ثقال الحمول
همهم ماهو بتنكيس العقال=عندهم تلقا ليا ضاقت حلول
باللسان وبالذراع وبالريال=يفتلون وينقضون أهل عقول
ردهم جاهز على قدر السؤال=رد محكم بالدلايل ومعقول
الوفا من طبعهم في كل حال=لو تلاقوا بالحدب فوق الخيول
معربين جدود وأعمام وخوال=يعدلون الميل لن جات الميول
يجزلون المد في ماقف ومال=ما تذروا باللوازم فالخبول
دون دين ودون عرض ودون حال=يبذلون ارواح ماراحوا فلول
عونهم ممدود من رب الجلال=نهجهم نهج الصحابة والرسول
بالنهاية كل مخلوق لزوال=غير رب الخلق دايم ما يزول
للرجولة حق ياشبه الرجال=ماهي بنصبة وعرضٍ(ن)فيه طول

صح السانك ياراع الاوله

قصيده جزله وهذا البيتين الفبيت لله درك

الـرجــولــة مـــاهـــي بـقـيــلٍ(ن)وقــال=الـرجـولــة قــبـــل الأقـــــوال الـفــعــول

نصبـة الشيخـان طـال العمـر طــال=والـدواخــل فـاضـيـة مــثــل الـطـبــول

صح لسانك اعداد ماقيل ومايقال

واكثر من اللي ممكن الواحد يقول

تقبل تحيتي

صح لسانك قصيدة راقية جدا



موفق

لله درك



توصيف ينطبق على الكثير


صح لسانك

صح لسانك قصيدة جزلة




تقبل الاعجاب والتحية

صح لسانك الى مالا نهاية



ابداع متجدد


وفقك الله

صح لسانك مليون ولا يكفون



ابدعت لا هنت

صح لسانك مليووووووووووووووووووووووووووووووووووووووون ولايكفوووووووووووووووووووووووووووووووووووووووون ابدعت ابداع منقطع النظير لله درك لك تقديري

صح لسانك وبيض الله وجهك




جزلة من جزل