طابت أوقاتكم
![اضغط على الصورة لرؤيتها بالحجم الطبيعي](https://fbcdn-sphotos-d-a.akamaihd.net/hphotos-ak-xfp1/v/t1.0-9/1499606_1010927198959021_3969377892920334453_n.jpg?oh=fb76e90476d3d26603949e56684ddc9b&oe=567332F7&__gda__=1449403262_87540580f61de259995bf4d38a422320)
يامرسل الخوف من كثرة محاذيرك=فهمت ماهو تريده باين ومخفي
العمر ماهو بتدبيري وتدبيرك=لو كان بالكيف كان أخذت به شـفي
لكن بريحك وأقصر مشاويرك=من كل ماهو بلي يا صاحبي معفي
مسموح واللي حصل حسب تفاسيرك=ماهو بناقص بقاموس الوفا حرفي
لا تنشغل به يزود بس تكديرك=أنا اعتبرته حصل يا صاحبي صدفي
خلاص لا تعتذر وفر معاذيرك=ماني بتابع سحابٍ(ن)بارقه مقفي
دامك لغيري تطمن بلتقي غيرك=لا تحسبني بلاقي بالجفا حتفي
ماني مروض حياتي حسب تفكيرك=ولاني مرافق رفيق يدور ويلفي
روح بأمن الكريم بشرك وخيرك=ماني بمرخص لروحي عزتي تكفي
بكرة يدور الزمن ويعيد تذكيرك=ترجع لك الذاكرة من صورة السلفي
لا شفتها خالفت ظنك وتقديرك=من حر مابك تصافق كفٍ(ن)بكفي
الوقت ماهو بماشي حسب تبريرك=يمشي لقدام عمره ما رجع خلفي
لو يرجع الوقت طير بالسما طيرك=وأنته على الأرض ترجف بالقهر رجفي
هذا جوابي على كثرة محاذيرك=فهمت ماهو بريده باين ومخفي ؟!