السلام عليكم ورحمة الله وبركاته
هذه الأبيات....مشاركة مني ودعما وتاييدا لولاة أمرنا وجنودنا البواسل
بمناسبة المواجهات مع عصابات الحوثيين الذين تسللوا الى بلادنا الغالية
بغية الإخلال بالأمن فرد الله كيدهم في نحورهم هم ومن يساندهم سرا او جهرا
الله أكبر فوقهم شبوا النار=خلوا جنود بليس تدعوا ثبورا
خلوا كهوف الشرذمة تغدي غبار=غيرانهم تصبح عليهم قبورا
هلوا القنابل فوقهم مثل الأمطار=مثل قنابل بوش في توربورا
تصبح ديرهم خالية مابها أشجار=ما كنها في يوم تنبت زهورا
لا تتركون بذيك الأقطار ديار=هذا جزاة لقوم خوان بورا
وإن كان باقي حي في باق الأقطار=هاتوه مكتوف اليدين مخفورا
يا جيشنا الباسل طولين الأعمار=معكم على الجبهة تشوف وتشورا
ولا هي غريبة ذي فعائل للأحرار=ماهي بديعة من قديم العصورا
والشعب كله واقف كبار وصغار=خلف القيادة معلنين الحضورا
من الرضيع ليا الملك درع وأسوار=دون الوطن الكل مثل الصقورا
نصبر على الجاهل ونصبر على الجار=ولا نتبع أهل الغي وأهل الفجورا
ثلاث ما نقبل بها أي معذار=من بادي الأيام لوقت النشورا
الدين للرحمن قدار الأقدار=ثم الملك مع الوطن بالصدورا
نمشي على نهج الشريعة بمقدار=نص الكتاب وباقي الأمر شورا
سنة نبي الله وأبر الأبرار=نور القلوب ليا إنطفأ كل نورا
ما غيرها ياقوم والله نختار=هذي عقيدتنا وفيها السرورا
أحفاد للأطهار وأحفادنا أطهار=ما نغير المنهاج طول الدهورا
ما نتبع لعاصي وغاوي وكفار=ومن لا هداه الله عنا يغورا
هذا كلام اللي تعود له الأشوار=من سالف الأيام وأنا غيورا
ما قلتها يادار تزيين لأشعار=أقولها والفعل شيء مخبورا
أقولها يادار يادار يادار=أرواحنا تفديك حب وشكورا
التميز
الإهداءات
لا تتركون بذيك الأقطار ديار !!!
رد: لا تتركون بذيك الأقطار ديار !!!
