كتايب الأشواق !!!

أسعدكم الله بكل مكان وزمان



اليكم ما جات به الساعة

ياملهمتني للشعر والقصايد=الحرف حرفي والمعاني معانيك
بنظم قصيدي فيك لو كان كايد =يسمو قصيدي لا سما في معاليك
وأنظم من بحور القوافي قلايد=والفها بالورد والشوق واعطيك
جزيتك مني بحسب العوايد=بهديتك صدق المشاعر لمغليك
منك الوفا عذب اللما مد زايد=مهما بذلت أكيد ماني مجازيك
سعر الوفا نادر بكل الفرايد=الروح لو تنمد ما أظن تكفيك
دامه محبب في جميع العقايد=شنهو جزاه بعزة الله وأنا أفديك
يامن قصيدي بجوها صار رايد=حررت من قلبي عذارى مماليك
حطيت طيفك تحت راسي وسايد=أسامره لن هزني حلم باغيك
كتايب الأشواق تحتاج قايد=ياطيفها هاك القيادة ويمديك
هون على قلبي شديد الشدايد=لولا كذا ياطيف وشنفعتي فيك
لا غاب عني صاحبي قول عايد=ما باقي إلا شوي صبرك ويلفيك
يمكن تهدي بالخفوق الوقايد=اللي لها ياطيف وقتٍ(ن)تناجيك
غدت ضلوعي من لهبها خمايد=أشكي على الله لوعة الحب ماأشكيك
وأشكي على ربي ظروف البعايد=اللي حدتني عنك يازين ماأجيك
وأشكي على ربي لحظٍ(ن)محايد=لا قرب خطايه ولا أدني خطاويك
ياملهمتني للشعر والقصايد=الحرف حرفي والمعاني معانيك

مصافحة ملكية لهذه الدرة الشامخة


صح لسانك واعتلا شانك


ابداع معهود


لله درك

صح لسانك على الاداء المميز والشعر الراقي برقي شاعره لك تقديري واعجابي

اقتباس : المشاركة الأصلية كتبت بواسطة القنـــــاص [ مشاهدة المشاركة ]

مصافحة ملكية لهذه الدرة الشامخة صح لسانك واعتلا شانك ابداع معهود لله درك

اقتباس : المشاركة الأصلية كتبت بواسطة سعد حميد الثبيتي [ مشاهدة المشاركة ]

صح لسانك على الاداء المميز والشعر الراقي برقي شاعره لك تقديري واعجابي

صحت ابدانكم


شكرا لحضوركم لا عدمتكم

الله الله

صح السانك يابن هليل ويعطيك العافيه على هذا الابداع الغير مستغرب

تقديري واحترااااااااااااااااااااااااامي

اقتباس : المشاركة الأصلية كتبت بواسطة عبدالرحمن عويض المسعودي [ مشاهدة المشاركة ]

الله الله صح السانك يابن هليل ويعطيك العافيه على هذا الابداع الغير مستغرب تقديري واحترااااااااااااااااااااااااامي

صح بدنك ولا هنت


سعدت بتواجدك وردك العذب


تقبل خالص تقديري

سكبت هنا كتايب من بحر الاشواق

ونثرت جمالاً من قلمك

لترتوي القلوب بها

وتشفى الصدور بترديدها

كسرت كل محطات الاشواق

ونقشت من كل كف أميال

إحساس جارف وشوق يلامس مشاعر المحبين .

صح لسانك مدد













ودى و تقديري

صح لسانك للرضا ابداع متجدد تقبل التحية

كـتـايــب الأشــــواق تـحـتــاج قــايـــد ياطيـفـهـا هــــاك الـقـيــادة ويـمـديــك
هــون عـلـى قلـبـي شـديــد الـشـدايـد لــولا كــذا ياطـيـف وشنفـعـتـي فـيــك

دمج راعي ما بين الجيش والقيادة

تصوير رائع لحجم المعاناة والالم الذي يقابلها بالطرف الاخر كتائب من الاشواق

عجبا للشعر والشاعر كيف يجمع بين الشئ ونقيضه والضد وضده

ابن هليل لمن كتائب الشوق التى تعتليك او ليست لذلك الشخص الذي تسلمه القيادة

فكيف لك تسلمه قيادتها او ليس هو سبب الحرب واشعالها

انت تذكرنا بقول الشاعر :
خذوا بدمي منها فاني قتيلها=وما مقصدي الا تجود وتنعمي
ولا تقتلوها ان ظفرتم بدمها=ولكن سلوها كيف حل لها دم

صح لسانك ابن هليل

تقبل اعجابي وتقديري

جميل ما خط قلمك


صح لسانك مليون ولا يكفون