الى متى ياناس تستصرخ الشــام....والى متى أرض العرب تنزف الدم
ياهل المــروة والأخـوة والإسـلام....وين الــذي فيكـم بالأوضـاع مهتـم
كيف الرجل فيكـم نعم يقـدر ينـام....والشام فيهــا ولــد الانــذال أجـرم
يكفي شبعنــا من تعابيــر الافــلام....يكفي الجـواب بردّة الفعـــل مبهــم
من عقب فيصل راح زايد وصدام....ولاعـاد فينا من عليه يعقــد العـزم
اكثر ربعنــا بنظـرة الغـرب خــدام....واطلق شنب لامن فزع كنه أبكـم
حتى الاصيل اللي نرى فيه الاقدام....ما همــه الا صفقتــي كـــم وبكــم
ولا همه المصـدر ولو كان حاخام....او كانه محوّل من الخمس من قم
اما الشعوب اليا بغت تكفل ايتــام....تعطــي وتخفـــي مــدهـــا وتكـتـــم
واهل البسالة والشجاعة والاقدام....واجب عليهـــا عن ربعهـــا اتلثــم
حتى غدا المسلم على الواقع العام....امــا يقتـــل او يجـــرم او يــــــذم
ولا يــدان بنيتــه قبــل الاسهــــام....بإغاثــة الطفــــل الفقيــــر الميتـم
وياشام لا ترجين في نصرة الشام....الا العـــزيز المقتـدر كاشف الغــم
ولاترتجين الغيث من سحب الاوهام....دام السحاب العـابرة تمطر الهـم
ويا شام ندري بك على كثر الآلام....شلتي أسى الامة رغم همـك الـجم
والناس في غفلة يعيشــون باحلام....الا القليـــل الملتـــزم يســبح اليــم
حتى الذي عايش على كذب الاعلام....مع فبركة كـذب العرب ما تأقلـــم
وكل ماجرى للشام من زمرة اجرام....فيه اليهــود بجـورهم كانوا ارحم
يامسلمين اصحوا ترى الموت قدام....واللي على الاكتـاف تكتب وتهتــم
ولحدٍ ينادي في فتوحــات الاســلام....هذيك حقبــة ماضي العــــز ونلــم
فلحــدٍ يهايط في المنــابر اليا قـــام....ان مـا فــزع ولا يتــلايط وينطـــم
احسن ولاياتي بلا عـرف بإقحــــام....نفسه مع اللي لا ديـــانه ولا ذمـــم
رغم ان نصف المجتمع وده افهـام....كيف الأجـر يُجـزا به العبــد ويتــم
وكيف العطا ومناصر الاخ بإحكــام....دون العرب تشعــر وتفطن وتفهـم
ومادام خشم العــز حطو به خطــام....ما اظنتـــي اطلــق شنـب بيتكلـــم
ودام العـرب للغرب عزوه وخـــدام....قل للعـزيــز بعــزة النفـــس يســلم
والنصرة اللي من ورا حبر الاقلام....ما تنفــع المســلم ولا توقف الــــدم
التميز
الإهداءات
الى متى ياناس تستصرخ الشــام
