قصيدة الشاعر: زياد زيد البقمي ( المسكره والروج)
دخيل البرد يانارٍ.. تحت حدب الضلوع العوج,,=سببها واحدٍ من.. شبها ماجا يطفيها!!
رمى فيها قديحة نار حبه.. واحدٍ عمهوج,,=وخلاني بعد فرقاه.. طول الوقت اصاليها,,
على ذكرى هواه تذوب.. في بحر الغرام ثلوج!!=وتعيش الورده الذبلانه.. اللي جف ساقيها!!!
تحطم مركب الاحلام بين العاصفه.. والموج,,=تحدته الظروف ..وغرقت الرحله ومافيها,
توشحت الهموم ..اللي بعضها بالفرح ممزوج!!=وعلى منهج ..قصيد بن الملوح قمت اغنيها,
ادور للأمل ..لو بالخيال الواسع المنسوج!!=سوات اللي يدور.. حاجةٍ ماهوب لاقيها!
غرامٍ يقطع القلب الشقي.. ماهوب صف هروج!!=على فراق الهنوف.. اللي ولي الكون حاليها,,
ولو جني بنات ادم وحوى.. فوج.. بعده فوج,=حرام اني مالاقي.. بينهن وحده تحاليها,
عسى ربي يخلي للصبايا المسكره ..والروج!!=اجل ماتسقط اقنعة البشر.. ويبين خافيها!!!
قصيدتي بعنوان : قداح الهجر
دخيل النار من طعنات قلب بالهوى مفجوج=
نزف دم الخفوق بروح تشكي من مجافيها=
غرامٍ في حنايا الروح عن عين العذول يلوج=
ويشرب من قداح الهجر ما تعرف بصافيها=
غدر بي وقتي الشاين وعقب بالشعور فلوج=
مشاعر مالقت من بردها منهو يدفيها=
تعثر بي حصان الحظ جامح ما علته سروج=
وطحت الطيحة اللي ما لقت طبٍ(ن)ويشفيها=
وحجيت بزمانٍ(ن)مافرض فوق العباد حجوج=
عرضت أحلام عمري ما لقت بالسوق شاريها=
وتهت بالعالم النسيان فاقد حلمي المدهوج=
أراقب طلعت الفجر البعيد أبطت حراويها=
على ضفة بحر مالح شرابه بالطعم ممجوج=
وحطمت المراكب بعد ما نزلت سواريها=
نسج أرواحنا وأيامنا ما بينت منتوج=
حياة نعيشها والله يعلم ويش تاليها=
على الله أشكي أوجاعي وعنده للكروب فروج=
كريمٍ(ن)معتني برواحنا سبحان محييها=
التميز
الإهداءات
قـــداح الهجر ..مجاراتي للشاعر زياد البقمي
رد: قـــداح الهجر ..مجاراتي للشاعر زياد البقمي
