أسعدكم الله جميعا
كالعادة الأبيات بدون مقدمات
ليا صار لك صاحب تعزه وتغليه=وتخاف في بعض المواقيف تحرجه
جنب عن اللي عندك الشك يوذيه=حتى تعرف بصاحبك كيف منهجه
من بعدها تقدر صحيبك تجاريه=اليا درست اللي يريحه ويزعجه
تعطيه ما تعطي وتمنع وتعطيه=تقرأ لفكره قبل ينطق ويخرجه
وليا نصاك بحاجةٍ(ن)قول لبيه=لا تتركه يشكي من الضيق فرجه
ترى الصداقة صدق منهو تراعيه=ليا صار مخلص خيل وصله بيسرجه
الصاحب الصادق تبين حكاويه=والصاحب الكاذب حذاري تهرجه
إن غبت قال:فلان يافيه مافيه=وإن جاك يحكي لك بغيرك ويعلجه
هذا عدو إحذره وإحذر تماشيه=وإن كان لك قدرة بكرباج كربجه
مشيك معه يرخصك وبليس يرضيه=والباب ما يقفل ليا خرب مزلجه
صاحبك من حظك وعمرك بتاليه=والجمر لا تلمس ليا شفت واهجه
ساير وحاذر بالزمان وبلاويه=خلك نبيه من الطريق وتعرجه
ترى الجمل لن طاح ماثاب ناعيه=والحظ لا من خاب يصعب تدرجه
التميز
الإهداءات
الصـــاحب !!!
رد: الصـــاحب !!!
