قلبي كتاب وفوق حلمي طويته=لغز(ن)من الألغاز صعب التواصيف
أنا الوحيد اللي كتابي قريته=حفظت مضمونه وكل التعاريف
خلاص أنا حلم الزمان امتطيته=أقولها من جد ماهي تواليف
خليني أحيا مع خيال(ن)بنيته=حتى ولو إنه مجرد تخاريف
أما تحقق شيء باللي هقيته=والا لها الحلال ويجيب تصريف
مدام بالواقع غدا ما لقيته=الحلم أرحم من جميع التحاسيف
بمشي بدربي دامت إني بديته=وليا إنتهى المشوار لج الغطاريف
حلمي وأنا اللي من هجوسي بنيته=برويه من شعري جميل المحاريف
حتى ولو إني بعد ما رأيته=لكن واضع له تصور على الكيف
هو داخل أعماقي وأنا ما نسيته=م تحول ما بيني وبينه تصانيف
ملك حشا روحي وكلي عطيته=شفته بفكري بس بالعين ما شيف
هذا غرام الروح وأنا رضيته=يسكن بها ويشب في داخلي صيف
شيء(ن)وهبته للغلا ما خذيته=يفعل بحالي ما يشأ لي تشريف
ماني بقائل ليش سوى وليته=ولاني بطالب منه في شي تحليف
ذا منبع الهامي وشعري وبيته=قاموس عمري فيه كل التصاريف
ما خاب ظني فيه لا من نصيته=مد الكنوز ولا يحب التناتيف
المقصد إنه يعرف اللي نويته=على النقا ما بيننا شيء تزييف
لا صار يهواني وأنا قد هويته=هذي حقيقه ما بها أي تحريف
حلمي تولاني وأنا ما وليته=بأوله طيف وبأخره ظنتي طيف
أما غدا بي مثل ماني بغيته=والا تري يا حيف يا حلم ياحيف
التميز
الإهداءات
حلم الزمان امتطيته...؟؟
رد: حلم الزمان امتطيته...؟؟
