عساكم بالف خير وعافية
هذه باكورة الديوان الرابع على القوافل
عساها تروق لكم
وين القلم بالله هاتوه هاتوه=بكتب على بيض الورق نزف فكري
يمكن ليامني كتبت وقريتوه=يلقى قبول عندكم بس مدري
ياخوف فكري يخطي الدرب ويتوه=لأجل كذا قدمت للكل عذري
ماهو جديد العلم يمكن عرفتوه=كل العرب يمرهم شيء قدري
نبض القلوب إن كان مثلي حفظتوه=مر(ن)يبان ومر بالقلب سري
ليا هزها شوق الغرام وكتمتوه=يقل فيها كل حلم وصبري
ترى الهوى بالقلب لا من دفنتوه=يموت مثل اللي دفن جوف قبري
القلب بستان الهوى لا سقيتوه=تنبت زهوره ريحها ريح عطري
الان جا دور لخبر ما سمعتوه=قلبي نهبه من البشر شخص مغري
أمانة الله كان بعدي لقيتوه=قولوا له يرد الوداعة لصدري
وإن كان عيا يعترف لا سألتوه=لا تجبرونه يعترف بشيء قسري
خفوا عليه من العذل لا عذلتوه=ترى الهوى ما بيننا ود عذري
التميز
الإهداءات
القلب بستان الهوى..!!!
رد: القلب بستان الهوى..!!!
