يا عرب مات السلام !!!

أسعدكم الله

الليله غيرت لكم اللون الشعري مبنى ومعنى

ارجوزة علها تروق لكم

ياعرب وين السلام=صار بالقلب إنقسام
نصف يبغا للحرام=ونصف يبغا للحـلال
................=
حرموا بعض المباح=واستحلو للسفاح
خالفوا نص الصحاح=بالكلام وبالفعال
................=
كيف أسوي يابشر=حال ما منه مفـر
وضع ينذر بالخطـر=جاوبوني ع السؤال
................=
الحقيقة غـايبة=مالها من نايبة
والبشر مو تـايبه=الخلل في كل مجال
................=
بالرجال وبالنساء=مير ياعل وعسى
تنفرج ظلمة مساء=ما على ربي محال
................=
كلنا نشكي ظـروف=والمشاكل بالألـوف
صابت العالم بخوف=واقعٍ(ن)مدري خيال
................=
الفتن في كل دار=بالصحاري والبحار
من يمين ومن يسار=اقترب وقت الزوال
................=
يا إلاه العلمين=مالنا غيرك معين
يانصير المستضعين=طالبك حسن العمال
................=
وحد صفوف العرب=بعد صاروا كالحطب
ينرمي وسط اللهب=او يداسوا بالنعال
................=
الطفولة تنذبح=والرجولة تنكبح
حظ صاير منسدح=والفعل قيلٍ(ن)وقال
................=
ياعرب مات السلام=صار بالقلب إنقسام
نصف يتبع للحرام=ونصف ما يلقى حـلال

الفتن فـي كـل دار

بالصحاري والبحـار

من يمين ومن يسار

اقترب وقت الـزوال



صح لسانك يا شاعر القوافل

اللهم اصلح حال المسلمين واهدهم وازرع الرحمة في قلوبهم ولم شملهم على طاعتك يا ارحم الراحمين

صح السااااااانك يابن هليل ويعطيك العاااااافيه

تحيااااااااااتي واحتراااامي

صح لساااااااااااااااانك

الله يكون بالعون هذا اخر الزمان

صح لسانك مليون ولا يكفون ابدعت كعادتك

صح نبضك واحساسك الله يكفينا الشر

صح لسااااااااانك صدقت والله ان الفتن بكل مكان الله يجيرنا منها

حسبنا الله ونعم الوكيل


صح لسااااااااااااااانك

صح لسااااااانك


هذا اخر الزمان تكون فيه الفتن كقطع الليل المظلم

صح لسانك قصيدة تصور معاناة


الله يكون بالعون