قصيده القيتها في حفل أجتماع قبيلة الثبته أهل السيل الكبير
فالعيد السعيد2/10/1427هـ
في مجلس أهالي السيل الكبير بحضور مشايخ القبيله وأعيانها
الله واكبـر عـد مـن كبّـر وهلّـل فالمسيـد
الله واكبـر والثـنـاء لِـلـه رب العالمـيـن
هل الهلال وهلّت حـروف القوافـي والقصيـد
وأنا وشعري والقلم وقـت المهمّـه حاضريـن
انظم قصيـدي واكتبـه واللبّسـه ثـوبً جديـد
واطيّبـه بالطيـب وارشـه بـورد الياسميـن
وأول ما نبـدأ بالتحيـة يـا سـلام الله وأعيـد
سلام واحـد مـا يكفّـي يـا سلامـي مرتيـن
حضرت أعايدكم وشوفتكـم تزيـد العيـد عيـد
يا لله لعلّـه عيدكـم مبـروك ومـن العايديـن
يالله عسانـا كـل عـام نعيّـد العيـد السعيـد
ونلقـى بعضنـا ونتعايـد يالرجـال الطيبـيـن
واكبر فخر يوم انتجمّع من قريـب ومـن بعيـد
والرأي واحـد والقبيلـه وحّـده والعلـم زيـن
وأكبارنا وأصغارنا تمشي على الـرأي السديـد
والصـف واحـد ماتغيّـره الليالـي والسنيـن
من شرعنا الإسلام منهجنا هـذا العلـم الأكيـد
والأمر شورى والتوحّد من صفـات المسلميـن
يعني هنا نجلس سـوى حتـى نفيـد ونستفيـد
وذكرى الحياء والطيبيـن يبيـن لابـدّه يبيـن
فالمجلس اللي منفتح بابه علـى العلـم الرشيـد
وأول بركاتـه تجمّعـنـا بهالـيـوم الثمـيـن
والخير باقي والطمـوح أكيـد نطمـع فالمزيـد
وأمالنا تحقيقهـا بأيـدي الرجـال المخلصيـن
تطويـر ديرتنـا مهمتنـا وعنهـا مـا نحيـد
وأمّا تعاونـا مـا بتصفـق يسـار بـلا يميـن
نبى جدار البيت فالقوّه كمـا السـاس الجويـد
واللي ما يدري ويش قصدي؟كل قصدي كلمتيـن
الساس هُمّ الأوليـن اللـي خـذوا مجـدً تليـد
وياليتنـا نلحـق شويّـه مـن علـوم الأوليـن
اجدودنا اللي لاوطتهـم وطيـة الوقـت الشديـد
وقفوا سوى والكل منهم يعتبـر حصـنً زبيـن
مشوا على رفـق ومعـزّه فالنـزول وفالشديـد
وعاشوا على طيب وشهامه نازليـن وراحليـن
وحنّـا ليـا منّـا تكاتفنـا نحقـق مـا نـريـد
ميـر المهـم نكـون فعـلاً فالطلـب متكاتفيـن
نحاول انحـل العقـد ماهـو بالسيـف الحديـد
بالصبر والإيمان والإخـلاص والعقـل الرزيـن
العضد جنب العضد ويقوم العضيد مـع العضيـد
والجنب جنب الجنب والشرهه على الجنب المتين
محمد وحامد وابـن حامـد وابـن وادع وعيـد
وابن عنيبر والخوامـس كلهـا خشـمً وعيـن
ربعي ثبيت وحبهم يجـري مـع الـدم فالوريـد
الجـد ثابـت والقبيلـه فالمـواقـف ثابتـيـن
تاريخهم ثابـت علـى طـول الليالـي مايبيـد
مرجـع عتيبـه كلهـا وخـوال للهادي الأميـن
وبيت القصيده فيه تلقـى زبـدة العلـم المفيـد
ياجعـل هـذا الأجتمـاع يعـود وأنتـم طيبيـن
وعندي رساله هادفـه ماهـي رسالـه فالبريـد
رسالـةً منّـي لكـم وأنتـم علاهـا شاهديـن
عسى حياة الحي تحيا والحيـاه اغـلا رصيـد
هذا هو المضمون والمقصود للنـاس أجمعيـن
وختامها نشكر هل المجلس على الحفـل الفريـد
والله يوفقهم على حسـن العمـل دنيـا وديـن
ويالله عسانا كـل عـام نعيّـد العيـد السعيـد
ونعايد الأصحـاب والأقـراب ومـن العايديـن
وسلامتكم اجمعين...عيضه الثبيتي
التميز
الإهداءات
الجد ثابت والقبيلة فالمواقف ثابتين
