خلاص أنا حتى قصيدي هجرته=من يوم راحت من تحرك قصيدي
بعود وأمسح كل شيء نشرته=حتى يصفر من قصيدي رصيدي
يوم إنها عندي ترى ما ذخرته=كانت تحركني وتجلب جديدي
لو إنها طلبت فــــؤادي نحرته=بسفح لها دمي وبقطع وريدي
الفكر لأجل أرضيه والله عصرته=وأشعلت نار الشوق وسط الجليد
افـــز من نومـــي ليا من ذكرته=وأشهق ليا من تذكرت سيدي
القلــب بعد إنك بكيفك حفــــرته=سكنت وسطه ليش عنه تحيدي
جمعت هم العمر وفوقــه نثــرته=وليا ترجى قلت باقي بزيدي
كل الهوى والشوق مني حقرته=ما تدري إنك بالغرام الوحيدي
ولو الهوى اللي بخفوقي شعرته=ما كان طولت الجفا يا عنيدي
يا حيف ليش القلب مني قهرته=والا تظن الهجــر منه تفيـدي
ترى الهـوى اللي بقلبي قبــرته=معه دفنت الفكر وأجمل نشيدي
هدمت قصر الشوق بعد عمرته=زلازلــك خلت هوانا يبيـــدي
لكن حبـك موج بحــر وعبرته=كنــا نريد وربــك وما يريـــدي
التميز
الإهداءات
رد: خلاص أنا حتى قصيدي هجرته....۞
