أسعد الله اوقاتكم بكل خير
واليكم الابيات كما جات
دعيني بدنياي روحي بدنياك=مهما إتفقنا بالحياة إختلفنا
واللي كتب لك في زمانك بيهناك=كافي من الأعمار شيء(ن)قطفنا
درنا مع الأيام دورات الأفلاك=وليا تعبنا غصب عنا وقفنا
شرحت لي هذا وهذا وهذاك=شيء إتفقنا فيه وشيء(ن)حذفنا
ما بين جد وهزل وجنون وإرباك=شفنا معارضنا وشفنا تحفنا
كثير تسألني وأنا أسالك وش جاك=وترد لي وأرد هذا ترفنا
مهما تلاطفنا وقلت لك يفداك=لأحلامنا وألامنا ما نصفنا
درب مشينا فيه تلغيم وأشواك=وليا وصلنا بأخره إنحرفنا
صحيح خطر وراجح الفكر ينهاك=سيله خطير وفي مسيله جرفنا
ركبت أنا وإياك في موج الإهلاك=من غير ميعاد(ن)جميلة صدفنا
لكن أنا لولاك لولاك لولاك=ما كان هذا الدرب لأجلك رصفنا
دامك خويي ما ترجيت لسواك=رفيق درب وخير منهو عرفنا
لا تاقف بنصه بكمله وإياك=وليا شبعنا من عنانا إنصرفنا
وأخير ما رافق لمثلك وشرواك=اللي شرفهم بالليالي شرفنا
وإن قلت لي بنساك بقول منساك=وإن قلت لي صحيح بالله حلفنا
دام الوفا موجود والقلب يهواك=ما والله يجيكم خلل من طرفنا
هذي عوايدنا بعد ما عرفناك=إشرب رها من عدنا اللي غرفنا
هذي يميني مد لي بس يمناك=وإن كان ما ودك ترانا عدفنا
ماني بتابع صوتي ليا تعداك=تعال والا روح وأنت تعرفنا
وإن كان ما جئيتي عسى الخير يبراك=عسى الهنا والطيب فوقك خلفنا
بروح في دنياي روحي بدنياك=لو إتفقنا اليوم بعد إختلفنا
التميز
الإهداءات
هذي يميني مد لي بس يمناك !!!
رد: هذي يميني مد لي بس يمناك !!!
