ظلمت الحب بغيابك وأنا قلبي ظلمه الوقت !!!

الأبيات

تعال انفض غبار الوقت عن حبٍ(ن)ظلمه الوقت=اسير بداخل اعماقي وساعة فكته ما جات
تعال وعالج اوجاع الغرام بخافقي لا هنت=تعال الحق على روحي وعشقٍ(ن)بالحشا ما مات
تسامرني طيوفك ما شغلني بالغرام الا أنت=بليل الشوق مالي غير ذكرى من زمان فات
زمانٍ(ن)كنت لي اقرب من الفكرة بلحظة صمت=يابسمة عمري الماضي وبلوى حاضري بالذات
بعدك وعزة المولي جميع البيض أنا حرمت=ما عاد يروق لي غيرك ولا لي شف بالزينات
احبك ما يهم تكون لي والا عسى لا كنت=انا بعدك نسيت الأنس عايش في بحر حسرات
حلوم كنت راجيها تلاشت بالهجر حطمت=غدت في مقبرة ياسي بقايا من حطام رفات
أنا من عمري الباقي بدونك يا غلا عذرت=كفاني ما جرى لي من عنا في ماضي الغيبات
حياتي مالها لذة ولا معنى ما دامك غبت=جميع اللي رجيته في زماني منك راح اشتات
مضى حلو العمر واللي بقا ماهو مساوي سنت=عسى الله يرحم ايام تقافت كنها لحظات
نهايتها بعيش لذكرياتي يازمن لو لنت==وش اللي عاد باقي من عمر نرجيه ياهيهات
ظلمت الحب بغيابك وأنا قلبي ظلمه الوقت=اسير بداخل اعماقي وساعة فكته ما جات

الله الله ابدعت ي شيخ
صح لسانك. ونبض قلبك

ابداااااااااااع

صح لساااااانك يابن هليل وعساااااك على القوووة

تقديري

صح لسانك روعات لله درك


تقبل التحايااااااااااا

صح نبضك واحساسك يا رائع ربي يسعدك

صح لسانك واعتلا شانك ابدعت كعادتك


خالص الاحترام

صح لسانك مليون ولا يكفون ابدعت لا هنت


تقبل التحية

صح لسانك واعتلا شانك ابدعت وامتعت


تقبل التحية

صح لساااااااااااااااااااااااااانك

صح لسانك ايها الراقي ابدااااااااااع