الهوى والهجر ذباحي !!!!

أسعد الله أوقاتكم

أبيات نسجها خيالي ليس لها واقع بحياتي

أنا ما جيت أدور للتعب وأزود أوجاعي=أنا جيتك أدورراحتي وابيك ترتاحي
لكنك ما عرفتي غايتي جهلتي أطباعي=عرفتيني على مبداك ياما جا وما راحي
تعجلتي قبل ما تعرفي عن كامل أوضاعي=وبعتيني بسعر السوق ما دورتي أرباحي
على صخرة جفاك وصدكِ(ي)حطمتي شراعي=رميتيني ببحر الهجر أنا ماني بسباحي
تبيني في ظلام البحر أمضي كل مرباعي=بعد يا فاتنة روحي طفيتي ضؤ مصباحي
سحبني موجك العاتي وصلت الأن للقاعي=وحيدٍ(ن)في غياهب بحرك أجاذب صياحي
حواليني وحوش مرعبه وأسماك وسباعي=تناهشني وزادة غربتي بهموم وجراحي
رفيقي في ظلام البحر صوتك يشجي أسماعي=يسليني صدى صوتك بليلٍ(ن)ماله أصباحي
يذكرني زمان فات ساعة كنت ملتاعي=ليالينا الجميله وينها ياحلو الأسناحي
بسرعة ضاعت الأيام مثل العمر ما ضاعي=خسارة ما توقعت النهاية حظنا طاحي
يقولون العرب لا تشتري شيءٍ(ن)ماينباعي=وميدان الطعن لا تنزله ما عندك سلاحي
وهذا ما حصل بيني وبينك إنع يا ناعي=ذبحتيني بميدان الهوى والهجر ذباحي
طعونه ما يداويها علاج كبار و وساعي=غرزتيها بصدري لين نسيتيني أفراحي
بأمان الله وتلقا خير مابه للعتب داعي=كفاية ما جرى عساه هم وعنك ينزاحي
أنا ما همني حالي أهم إنك ما تلتاعي=تريح وأترك هموم الزمن غدن مسباحي
تجمعنا وتفرقنا بعد زودتي أوجاعي=أنا برحل أدور راحتك وأبيك ترتاحي

الله الله


مصافحة أولى لهذه الدرة


صح لسانك للرضا


ابداع معهود


لك خالص التحية

لله درك على هذه الدره الرائعه تقبل اعجابي بما خطت يمينك

صح منطوقك قصيدة راقت لي عساك على القوة

شاعرنا الراقي


صح بوحك ابداع يستحق الوقوف والاشادة

لكنك ما عرفتي غايتـي جهلتـي أطباعـي

عرفتيني على مبداك ياما جـا ومـا راحـي

تعجلتي قبل ما تعرفي عن كامـل أوضاعـي

عجبني هذا المقطع ,,
صح لسانك ,,,
لا تحرمنا من جديدك فنحن في شوق لجديدك
قواك الله

الله الله



صح لسانك واعتلا شانك ابداع معهود


لك خالص التحية

صح لسانك يا مبدع القوافي



قصيدة رائعة


لك التحية

الله الله


صح لسانك مليون ولا يكفون ابداع رائع

صح لسانك واعتلا شانك


لله درك قصيدة راقية