المدح في بعض الخلايق مذمة !!!

الأبيات بدون مقدمات

يا هاجسي سوق الشعر في متمه=ماني مدور منه شهرة ولا ربح
المدح في بعض الخلايق مذمه=والذم في بعض الخلايق من المدح
بعض الخلايق ليتها عقمت أمه=ما ينفع لقالة ولا يقهر السرح
خفيف عقل وكل علمٍ(ن)يخمه=وليا طلبته حاجتك بالعطا شح
يا تثقل مجلاسه ويا ثقل دمه=يدبل لكبدك بالمشاريه واللـح
ما ينفع لربعه وخاله وعمه=كثير هرج وباقي الفيد بالطرح
لا من نصحته لف وجهه بكمه=وليا تركته ما تناقد من الفضح
ما يشتقي إلا ببطنه وهمه=اللبس والكشخة ينافس به الملح
ما يدري إن الرجل من قو عزمه=رجلٍ(ن)بليا عزم ما يحسن الذبح
والرجل ما ينشب لسانه بفمه=هذا كلام الصح يا مدور الصح
الرجل فعل وقول ماهو بحلمه=ومن لا يضم العلم مايفهم الشرح
يا هاجسي سوق الشعر في متمه=ماني مدور منه شهرة ولا ربح

صح لسانك ولا هنت




تقبل التحايااااااااااا

صدقت


صح لسااااااااااااااااااااااانك

صح لسانك استاذنا صدقت فيما دونت قصيدة معبرة

صح لسانك قصيدة راقية ايها المبدع لله درك

صح لسانك قصيدة راقية لله درك


تقبل التحية

صح لسانك وفيت وكفيت قصيدة معبرة

صح لسانك مليون ولا يكفون ايها الراقي

صح لسانك قصيدة جزلة من شاعر جزل


تقبل التحاياااا

صح لسانك ولا هنت




ابدعت كعادتك