طابت أوقاتكم
الأبيات
ياريحة الياسمين وردٍ(ن)وفلي=ليتك تعرفي ويش بالقلب حلي
أذكر غيابك كل ماقمت أصلي=أثر غيابك ياهوى الروح قاتل
تكفين توك يابعد كل من لي=لا تذبحيني بالهجر والتغلي
أكبر مصيبة للغرام التخلي=وأحسن وسيلة للغرام التواصل
الوقت يجري والمواجع تعلي=هدت لحيلي حين قفت بخلي
ما عاد بعده حال فيني يسلي=وشلون يبري للجروح التراسل
غيبتك عني متعبتني بكلي=اليأس فيني ياهوى البال حلي
الصبر قل وحلو الايام زلي=الصد علم للخفوق التكاسل
ياما تمنيتك تجيني وأهلي=لكن حسافة وصلكم ماحصلي
مرت سنين وما تشرف محلي=وأظن شوفك بعد ما عاد حاصل
القلب ينزف ما لقى من يدلي=على دواه وجرح الأشواق شلي
والفكر من زود العنا مستخلي=ونات صدري للهواجس فواصل
ليت الزمان يعود وتعود ياللي=الروح في قربك حشا ما تملي
أبيك عندي مثل رمشي وظلي=ما دمت ماني عنك ياخل غافل
من شأن تعرف حالتي ثم قل لي=كيف الخراج من الهوى والتعلي
عن همي اللي تل للقلب تلي=عدة سنين الشوق فيني مواصل
التميز
الإهداءات
ريحة الياسمين !!!
رد: ريحة الياسمين !!!
