السلام عليكم ورحمة الله وبركاته
الأبيات أرجو تعجبكم وترضي ذائقتكم
بكرة لنا موعد وقبله مواعيد=مرت علينا كنها عاتي الريح
مدري نجيب الفيد والا بلا فيد=والا نعود بخير والا مجاريح
وإن طالت الأعمار بنعيد ونعيد=بنقوم لأجل أحلامنا غصب ونطيح
أحلامنا في كل يوم مواليد=وياسرع ما تكبر بليا مصاليح
وأفكارنا دايم علينا مشاريد=على هواها ما تدور تصاريح
مر قريب ومر تغدي بنا بعيد=ومر غزير الجم ومرار تنشيح
نطرد ورا الأحلام وندور الغيد=نتبع هوانا بالمسا والمساريح
أيامنا مع بعضنا كنها عيد=ننسى على شان العذارى التسابيح
يبن منا مثل ما منهم نريد=أحيان بالتوضيح وأحيان تلميح
مر يغلبنا ونطلع مقاريد=ومر لنا السبقه ونصبح مفاليح
وأظن هذا ما يحاوج لتوكيد=الأمر واضح ما يعاوز لتوضيح
التميز
الإهداءات
بكرة لنا موعد...!!!
رد: بكرة لنا موعد...!!!
