تعال أنا مشتاق مشتاق مشتاق !!!

السلام عليكم ورحمة الله وبركاته

أسعد الله اوقاتكم بالخير والمسرات

واليكم هذه الأبيات

علها تروق لكم

ناديت بعلى الصوت من حر مابي=وين الغلا ما راد والقلب مشتاق
ليا طول الغيبة وزاد الغيابي=يضيق صدري ياكدر صدر من ضاق
في غيبته فقدت حتى صوابي=لهف الغرام يشب بالجوف حراق
طيف الغلا ياكم ليل سرى بي=أطوف به ويطوف بي لرض وأفاق
أدري بطيفه ليت طيفه درى بي=ما يعرف اللوعات ياكود من ذاق
لكن لأجله لو يطول عذابي=يكبر غلاها بالليالي بالأعماق
حيث إنها عنوان زين كتابي=كتاب عشقي للغلا زين الأذواق
اللي معه نسيت ماضي سرابي=مسح هموم الروح لين الهوى فاق
إستيقض الحلم الجميل المهابي=فجر بفكري لهف وأمال وأشواق
سجيت معها بالليالي ركابي=وأنا على ماقيل بلحيل تواق
يمطر على دار المليحة سحابي=رعده بقلبي والمطر دمع الأحداق
تترورق الدمعات بين الهدابي=يبتل منها الرمش في وقت الإطراق
أعاتبه ما عاد يجدي عتابي=ياشينها لحظات ماهي بتنطاق
ماعاد يهناني طعام وشرابي=تسرقني اللوعات والود سراق
جريت عال الصوت من حر مابي=تعال أنا مشتاق مشتاق مشتاق

بن هليل


صح لسااانك شااااعر مبدع


يعطيك الف عافيه


تقبل ارق تحيه


اخوك المجروح

بن هليل

صح لسانك على هذا الابداع

والتألق الرائع قصيده في

قمة الجمال والتميز

لك التحيه والتقدير

صح السانك على هذه القصيده الرائعه وبيض الله وجهك

الله الله


صح لسانك يا مبدع القوافي بالقوافل


لك خالص الود

صح لسانك مليون


رائعة الله يعطيك الف عافية


تقبل خالص التحية

صحّ لسانك أخوي بن هليل
وافية ومن راس وافي
تقبل مني تواضع مروري

وحضور رائع متميز


أبيات غاية في الرقة والعذوبة ، صغتها لنا بكل سلاسةوتناغم
إشتياق وصل



و احساس مرهف هطل




فسلمت لناعلى هذه الأبيات الجميلةالرائعة


صج لسانك مدد


دمتِ وداام نبض قلبكِ وقلمكِ ..

صح لسانك وبيض الله وجهك على هذه الدره الجزله

دره جميله يشكر ناظمها وبوح جميل يسرق الالباب بسحره الجذاب