أسعد الله أوقاتكم بكل خير
...
ياربي طلبتك رحمتك خالق الثقلين=تجنبني شرور الليال وبلاويها
تزين لحظي كان تعلم بحظي شين=وتبري لروحي من مواجع شكاويها
غدر بي زماني ضاع حلمي برمشة عين=وعقب جروحٍ(ن)بالحشا من يداويها
زماني تغير صار قاسي ولا به لين=أخذ زهرة أيامي وطير هقـاويها
أخذ ولفي اللي كان وقت الكروب معين=كسر قلبي اللي طول عمره مهاويها
سنينٍ(ن)طويلة منتظرها ليا ذا لحين=أمني لروحي ما تعدت حراويها
ليا جات رجعتها تداوي عذاب سنين=ولن كان ما جتني مسامح خطاويها
بسلي لروحي بالصبر والتصبر زين=يخفف على روحي ويكبح عداويها
ليا ضاق صدري ردني عنوة للدين=على شأن نفسي تنغسل من مساويها
إلاهي بفضلك طالبك لا يطول البين=قلوب الحبايب جمر الأشواق شاويها
يا عالم بسر القلب يا راحم المسكين=تعجل لنا بوصال روحٍ(ن)مخاويها
لها في عروش القلب ياخالقي تمكين=من سنين وأثواب اللقاء غصب طاويها
قصرنا حبال الوصل والحب وصله دين=يارب أعن نفسي على هم غاويها
قبل لا تروح الروح وأغدي تراب وطين=مطاليب روحي رب روحي تسويها
ياربي طلبتك رحمتك خالق الثقلين=تجنبني شرور الليال وبلاويها
التميز
الإهداءات
ضاع حلمي برمشة عين !!!
رد: ضاع حلمي برمشة عين !!!
